كشتة سوالف الجزء الثاني ........................الله يستر

[سعودية]

السلام عليكم ورحمة الله وبركاته:


المهم وبعد ما قررنا كل القرارات وتباحثنا في موضوع القطة حلف النابغة الطائي " والله العظيم ما أحد يحط ريال واحد والكشته على حسابي "

قام عطي الله عزيز " ترليون " واتفق مع راعي قلابي وعربجيه علشان ينقل " مشروع تسمين العجول " الغنم حقته والعربجيه تنقل باقي المواد الغذائية اللازمة والحطب والغاز ومواطير الكهرب.

استاجرت باص حجاج علشان يركبون البنات كلهم مع بعض وجبت لهم فيشار و شبس وفصفص وعسكريم " اخس عسكريم والله لو زوجي يدري اني اقول عسكريم كان قال خليتس عند سوالف اصرف ،،، أسفة"
oh sorry .. Ice cream my love :)
ورحت ودقيت ارقام هالبنات اللي ما اعرف ولا واحد من هالأرقام وقلت : والله ترى قبل صلاة الفجر الله لا يعوق بشر بمر عليكن علشان يمدينا ناصل قبل القايلة:)

رحت وجمعت غريظاتي " السليبنق باق ، ووسيدتي ، وشنيطتي ويكفيكم شر وش بها الشنطه " طرطعان وصواريخ وعلوك ستيف فوستن ":)

وسويت زمزميات الشويهي والزنجبيل واالحليب والنعناع والقهوة وحطيت معي التمر السكري والبرحي وسلمت على ابونا وتوكلت على الله

طلعت اجيب البنات علشان ننطلق للنفد " قرندايزر انطلق ":)

تجمعن البنات وخذلك هذاك الضحك والتنكيت والقرقرة السنعة وما درينا الا وحنا مقبلين عل المخيم وش ذاك المخيم السنع " سبع نجوم " تقول برج العرب :)

ولا الشباب كل واحد منهم غادي وليدة موب شيء اللي يزين الرواق واللي يطق الطنب واللي يشب الظوية وذاك السمر " الحطب " اللي ريحته تجيب العافيه :)

وعيون الهواوي يطق شبكة الطائرة وحاط الصفيرة بثمه :) ونشوف يسار ولا هذاك الولد المدلع منهو ذا يا بنات قالوا والله وش درانا أخيراً قالت عنقاش هذا دلوعة ماما:) جالس ينفظ عن ايدينه التراب ويقول ياي اتوسخت :)


نلتفت من الجهه الثانية وش نشوف واحد اشقر وعيون خضر يا ويلي معنا أجانب تغطوا تغطوا .... نتمقل زين " مكاولي كولكاليين " هوم الون:) يقرأ في كتاب كيف يمكنك صنع المقالب في أهل كشتة سوالف:)

طبعاً حنا ما قلنا للغالي محمد يجي لانه أنا يوم سجل عضو جديد يسوالف رحبت فيه وما ادري وشلون بقدرة قادر صارت مواضيعه اكثر من مواضيعي المهم هذا جزاءاً له وردعاً لأمثاله :)

ومتنا من الضحك يوم شفنا عيون الهواوي جايبن كل أنواع الصوابين علشان غسيل الصحون والقدور الله يعينه على سنا القدور هههههه:)

وصلنا طبعاً قبل صلاة العصر بشوي ما ادري نمشي على بيض ولا قزاز المهم جت نجمة المساء وقالت يله يا بنات خلو ننزل ونسلم على الشله ونشوف وين أماكنا وين نبي نجلس وهي عيونه على البقي اللي قاعد تحت النفود يهبل :) قالت : غصون انا اول وحدة تسوق البقي وانتم خوذوا الدبابات ردت عليه شبوحة مالي دخل اول وحده أنا ولا راح احط لكم صور اشباح في مواضيعي الجايه " من وين تجيب كل هذي الصور يا ناس " :)

نزلنا وسلمنا وقوبلنا بكل حفاوة وترحيب " غصب عليهم " :)

قال عزيز ترليون شبوا على الغدا ونادا على بياع القلوب وقال له انت تخصص تسوي لنا كبد وكلاوي وقلوب :)بس شغل عدل انت فيه كويس حنا فيه يجيب سيارة جديد:)

كل وحدة منننا نزلت اقشيشه وشالته على كتيفه ونشوف ولا الشباب أخذين المكان الزين وحاطين لنا اللي الله بالخير :)
وتهاوشنا وتقاظبنا الإيدين وفكنا عيون الهواوي بصفيرته وحكم انه حنا جالسين اسبوعين كل اسبوع نتبادل الأماكن قمنا وارجهنينا وعينا من الله خير:)

المهم تقهوينا وقدعنا التميرات وغدونا حقين مشاريع تسمين العجول اللي امهاتنا بيدعون لهم وازواجنا بيدعون عليهم :)

وما ندري الا وذاك الواحد اللي راكب على سفينة الصحراء منهو يا شباب قالوا هذا مدردش متقاعد حيا الله من جانا يا هلا والله ووسهلا وسلمنا عليه وفرحنا بجيته وأبشركم جايب لنا برحي " تمر " من هارودز:)

يا ربي كنه فيه زول واحد راكب على دباب صحراوي ولابس كاب وشكله اسنافي منهو كلن عطى من راسه صوت يا ربي منه هذا ويوم قرب ويجينا ذاك النور ولاهها يونيك :)

قالت ما دريت عن الرحله الا متأخرة بس قريت الموضوع وجيت
*
*
*
*
*
*
*
*
*
*
*
*
*
*
ترقبونا في العدد القادم :)

بشرى سارة لجميع اهل سوالف فتحنا باب الإعلانات في صفحتنا الموقرة من يرغب في ذلك ليتصل علينا على عنواننا التالي:

http://www. حليب السعودية الراعي الرسمي لكشتة سوالف . com

[سردال]

والله ضحكتيني!! :) يوم تقولين عن دلوعة ماما: جالس ينفظ عن ايدينه التراب ويقول ياي اتوسخت :p

هاهاه! :) والله تصورين السالفة كأنها صدق! يعني صراحة أنا اندمجت مع القصة :)

[سعودية]

الحمدلله زين عجبتك :)

يعني ما في عشماوي ولا راح اروح لمشنقة صفاة سوالف :)

اشكر لك تعبيراتك الجميلة :)

[سردال]

لا عشماوي ولا غيره! :) وما في حد من حقه يزعل! الكشتة دمها خفيف وجميلة! :)

[سعودية]

يا شيخ الله يخليك رفعت معنوياتي :)

بس الله يرحمني مع هوم الون :)

[سعودية]

يا شيخ الله يخليك رفعت معنوياتي :)

بس الله يرحمني مع دلوعة ماما :)

[سعودية]

الكشته ما عجبتكم ؟؟؟؟؟

:(:(:(:(

[سردال]

سعودية! لا تستعيلين! الأعضاء والمشاركين عندهم امتحانات هذي الأيام! ما تشوفين بعضهم مو موجود من أيام! وبعضهم سار لمكة! :)

أما أنا فإجازة من قبل شهر رمضان وحتى بعد شهر رمضان! يا فرحتي :)

[بياع القلوب]

هلا سعوديه
مع هالجو اليوم
حق التطعيس :)
والتجربع
بس وين ؟

[همس الحب]

صــراحة مررررررة حلوة وما شاء الله عليك
عندك ميول أدبي وعندك إبداعات مرة جميلة

مستقبلك مزهر إن شاء الله

[شذى الورد]

اكثر من رائعة :):):

اسلوب جذاب فى السرد والتصوير

ودى بكشتة مع اهل سوالف

تحياتى لك

[شبوحة]

هاهاهاههههههههههههههههه

كم انتى رائعة حبيبتى :):):)

ماأجمل اسلوبك..... الرحلة فعلا ممتعة معاكى

ربى يسعدك مثل مازرعتى البسمة على الوجوة

http://www.arabia.com/comp/cards/getfull/0,5916,104,00.gif نسيت اقولك ترى هالكاميرا اخذت صورة لكل واحد راح معنا

الرحلة

[سعودية]

صراحة خفت يكون الكلام مهو مفهوم لانه باللهجة العامية ..
او يكون الموضوع ما عجبكم ..
انا الحين وحدة عطالة بطالة :) وبعدين توي جاية من مكة واحسب الناس كلها مثلي :) واعرف ان الحين اجازة :) اسفة
الله يوفق كل الشباب والبنات في كل اعمالهم اللهم آمين
شكرا اخوي سردال على التواصل المستمر :)

اقول تشتغل في كشتة سوالف طباخ:)

[سعودية]

بعد ما تسوي الكبد والكلاوي والقلوب :) راح نروح نطاعس معك وين ما تبي :)
الخيارات :

القصيم
الدمام
حائل
الثمامة

[سعودية]

شكراً لك على الكلمات الرائعة :)

عفواً ممكن سؤال ..

انت بنت ولا ولد .. اسفة على السؤال

ان كنت بنت شكراً حبيبتي على ذوقك :)

اذا كنت ولد اشكرك أخوي على كلماتك :)

[سعودية]

اشكرك اخي على هذه المجاملة اللطيفة :)

بحار انا كتبت الجزء الثالث من الكشتة وحسب طلبك انت موجود فيها بس ذنبك على جنبك :) لا تقول بعدين يا ريت الحصل ما كان:)

[بياع القلوب]

هلا اختي سعودية
انا عن نفسي اعشق رمال الدهناء ومالي غير الدمام :):)

ويازين الرمله احين مع رشة مطر ونشب الضو ونسوي ذيك القهوة على جمر الغضا :)
ولا احلى من كذا :)
تحياتي

[سعودية]

انا اول ما دخلتي معانا قلت انك خفيفة دم :)
الله يسعد ايامك ويحقق كل احلامك حبيبتي :)
يسعدني جداً صديقة مثلك تكتبلي في موضوعي واتمنى كل البنات اللي في سوالف يكتبون بعد :)

والله انت بعد بها الصورة رسمت البسمة على وجهي :)
تسلمين عزيزتي :)









ترى وقفت انا وشيطوني الصغير واخذنا الصورة طبعاً بعد ما ابتسمنا :)

[سعودية]

شورك وهداية الله :)
*
*
*
*
*
*
*
نتقابل في نفد الطرفية اللي بالقصيم :)

انت شب الظوية في الدهنا وانا بالقصيم " مافي مسافة فركت كعب" :)

[بياع القلوب]

خلاص اتفقنا
ما من بعد والله ، وعلى راي جدي ( حذفت حصا ) :) أي حصا الله يرحمك ياجدي؟ جانا الليل وما وصلنا !!!
قريب بدو
هذاك اول
مو احين الواحد من الكسل مايقدر يروح الفرفه الثانيه الا بالـ ..وش يسمونه ذا الاختراع الي طايحين فيه الاطفال هالايام ؟ سيكل على الواقف؟؟ وش اسمه ؟؟
عند بنات اخوي سيكلين بالبيت
قسم بالله لو وزني بس اخف شوي واخاف اصدم الوالده كان مشاويري باليت كلها قريبه :)
تحياتي

[بياع القلوب]

شبوحه
هذي صورتي بكاميرتك
:)

http://cards.webshots.com/resources2/8/6368.gif

[متعب .ع.ع]

السلام عليكم
هلا بالجميع
السالفه حلوه ،،،،،،
ولاكن حبيت اعرف متى كان تأليفها ،،،
ومن المؤالف وراوي هذه السالفه؟؟؟؟؟؟؟؟؟

[سعودية]

اما حذفة حصا .. حذفة حصا اذا ركبت السكوتر حق بنات اخوك ولاك قريندايزر :)


وصورتك رائعة وما فيش بعد كدا:)

[aziz2000]

هههههههههههههههههههههههههههههههههههههه .. http://www.swalif.net/sforum/images/icons/icon10.gif

صراحة أبدعتي جدا في قصة الكشتة ياحليب السعودية .. http://www.swalif.net/sforum/images/icons/icon10.gif

تريليون ياظالمة .. :cool:
أما أحلى شئ ان الكشتة على حساب النابغة .. http://www.swalif.net/sforum/images/icons/icon10.gif
بخلليه يندم قد شعر راسه إنه قال هالكلمة .. أخليه يرجع من الكشتة مديون مو مبسوط .. http://www.swalif.net/sforum/images/icons/icon10.gif
وش هالعربجية هذولا إللي بيشيلووووووون العفش .. هاهاهاها .. هوهوهو .. هي هي هي ..http://www.swalif.net/sforum/images/icons/icon10.gif
وأنا بعد أبي عسكريييييم .. بس أبيه ملاعق .. ماأحب البسكوووت .. :rolleyes:
بل بل بل طرطيعان وصواريخ .. مو قلنا لاتجيبون بزارين معاكم .. طلعتوا انتوا الـ......... وللا بلاش .. :cool:
أما الزنجبيل هذا أمووت فيه مع هالبرد وهالجو الحلو .. والتمر أنا جبت زود .. أنا جبت تمر خلاص من الحساء .. وأكيد إنه أحسن من تمركم السكري ( واحد يتحرش :)) .. :):)
أكيد المخيم سبع نجوم أنا إللي تعبان عليه .. بسميها خيام عزيز تريليون ( على قولتك:))..:)
أما سالفة دلوعة ماما .. http://www.swalif.net/sforum/images/icons/icon10.gif.. ياحليله ..:)
أكيد بنرحب غصب علينا .. :) .. لو مارحبنا لاغداء ولاعشاء ..:)
بياع القلوب .. بسرعة سوي الكبدة بس ماأحب الكلاوي عشان كذا لاتسويها ... انتا في شغل جين أنا في يعطي انتا سيارة جديد ..:):).. مو أنا .. سعودية إللي قالت ..:)
أخ منك ياعيون الهواوي .. ضيعت علينا المتسان الزين ..:)
حلوة جية مدردش بالبعير .. راكبة عليه صح ..:):).. أكيد مر على أفريقيا وتركيا على ماوصل لنا ..:)

بس شوفوا هوم ألون ودلوعة ماما وعيون الهواوي يلعبون حبلية ..
http://www.moveed.8k.com/images/java/hhh/b16.gif

ياحليلهم وإللي في النص ( دلوعة ماما ) لاتقولون لأحد .. ;)
وهذا بياع جالس يناقز في البر مبسوط من الجو ..
http://www.geocities.com/ruinkai/NEWbounce.gif

شكرا جزيلا لحليب السعودية الراعي الرسمي للكشتة إللي ماندري وين هي فيه ..:):)

تحياتي للإبداع ولأهل الإبداع ..:)

[سعودية]

اشكرك اخوي على ان السالفة حلوة :)

اما من كتب السالفة .. انا سعودية بنت ابوي وليس معي احد.

اين كتبت السالفة .. في بيتي الصغير .

من اين جاءت الفكرة .. الفكرة جاءت من حبي الشديد للبر اولاً

وثانياُ حبي الشديد لأهل سوالف

ثالثاً قبل ان اسجل عضوة في سوالف كنت اقراء ما يكتب في جميع اقسامها وفي قسم سوالف عامة كانت هناك قصة مشابهة في الفكرة ليست كشته ولكن حفلة تعارف بين الأعضاء ولكن كان كل واحد يأتي بالبقية فتمنيت حينها ان اكون من هؤلاء الأعضاء ولكن لم اكن استطع وعندما صار لي اصدقاء في سوالف الأصدقاء كتبت افكاري انا
وكنتم انتم ابطالها ...

شكراً لك ..

[متعب .ع.ع]

اشكرك على ابداعك
وان شاء الله نرى ابدعات اكثر وروايات جميله،،،،
والله يوفقك

[سعودية]

لا لتمر الخلاص ..... السكري ولا بصك الكشتة :)

شف خلي نكثر الطلبات على النابغة وصر انت متعهد الإعاشة ونسوي مثل التمثليات نعطية فواتير مزورة " بتعت الضرايب " والربح نص بنص زين :)

انا احب عسكريم باكسن روب وبنز :) شف انا دايم اذا اهلي ضيعوني يلاقوني في سوق الحمام اشتري شروخة وطرطعان وبعد شوي راح اصير الموزع الرسمي في المملكة ودول الخليج:) بعدين راح ترحبون بنا غصب عنكم وتطبخون بعد " ما دريت عينا سردال مكافأة له علشان طلع الفايز بالترشيح هذا الأسبوع طباخ سوالف :)

والله حلوة هذي مخيم عزيز وانا اروح بوش لا بروح القور :) ههههه دارية بايخة اعرف نفسي :)

انا مالي دخل بالصور ما سويت شيء " الله يرحمني برحمته بعد ازيد على نفسي الله يعين عليهم ما بعد علقوا :):):)"

[سردال]

والله شيء طيب! أصير طباخ في آخر عمري! :) بس تعرفين! أعرف أسوي أكلات حلوة! بيض مسلوق! بيض مقلي! بيض بالبصل والفلفل! عجة! بيض نيئ! بيض بالحليب!

هذي الأكلات اللي أعرف أسويها! شو رايكم؟! :)

[سعودية]

اشكرك اخوي على وجودك في الموضوع واتمنى اني اكون عند حسن ظنك :)

[سعودية]

بعد الإطلاع على سيرتك الذاتية المقدمة من قبلكم :)

وبعد اجراء المقابلة الشخصية مع حضرتكم افندم:)
*
*
*
*
*
*
*
*
*
تبين فشلكم الذريع في القيام اوالإلتحاق بالعمل لدينا :)

الله كريم الله يعطيك ويعطينا :)

ما أحب البيض بجميع انواعه خصوصاً الني :)

انت فيه يعرف صديق ثاني يجي سوي شغل بدال انت :)

[شمعة]

مرحبا سعودية ..
بصراحة كشتتكم وايد حلوة واتمنى اتشاركوني معاكم المرة اليايه..
وعلى فكرة خيالك ماشاء الله واسع وجميل وايد وايد

[بياع القلوب]

آسف على التأخير
بس الظاهر البعارين ما وردت على بير الماي
عشان كذا خذيت السكوتر حق بنات اخوي وملاحق وراهم بين هالطعوس :)
ومن اشوي جيت :)



عزيز ابشر بكبده الحاشي ومنناحية المناقز ياخي بس مناقز الا بطير من الوناسه - بس لا يحوشك :)

[home alone83]

توني خلصت من قراية كتاب "كيف يمكنك صنع المقالب في أهل كشتة سوالف" :) :) :) لووووووووووووول ...


و انا جالس العب مع اخوي دلعلع (دلوعة ماما) بالرمل حصلنا
مصباح سحري ... دلوعة ماما طبعاً خاف و قال وش ذا ظب يماااااه .. وهرب .. عاد انا ماصدقت صرت اظرب المصباح في الأرض لين طلعلي واحد يقوللي واللي يرحم والديك فكنا وش تبي؟ قلتله ابغى المارد .. قاللي آسفين المارد راح يظبب (يصيد ظبان) رميت المصبااااح ومشيت ...


وانا راجع الخيمة حصلت شبوحة وكان معاي ثعبان رميته عليها لكن للأسف المسكينة طاحت الأرض واغمى عليها من الثعبان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ فيه احد في العالم يخاف من ثعبان لعبة ؟؟؟http://www.swalif.net/sforum/images/smilies/tongue.gif
ويوم صَحَت شبوحة ...((خليها هي تكمل)) ...


معليش استحملوني شوي في هالكشتة مزحي ثقيل شوي :)
ياهو تعالو شوفو وش حصلت هنا (!!!!) (http://www.swalif.net/sforum/showthread.php?threadid=71857)


النابغة وينه ؟؟؟
من يوم قلنا ان الكشته على حسابه اختفى ؟؟؟

تحياااتي ...

اوه اذن الفجر .. بروح اشرب مويه ...وتصبحون على خير .

[aziz2000]

نرحب ونطبخ ونغسل ونمسح وكل شئ بنسويه إحنا .. :(
مغلوب على أمرنا ..:o
وبس تضيعين يروحون سوق الحمام .. :p

أما أنا أحب عسكريم 31 ..;)
أما سردال طباخ كثري منها .. رحنا فيها ..:):)
لا لا .. خللي بياع أحسن .. واجد زين هذا نفر بياء ..:cool:

تحياتي لحليب السعودية الراعي الرسمي للكشتة ..:)
ومحلات السعودية لبيع الطرطيعان .. الموزع الوحيد في الخليج ..:)

[شبوحة]

مراحب بياع................القلوب

اسفة لتأخرى فى الرد لكن صورتك حلوة

http://www.harrythecat.com/graphics/k/fire7.gif

بياع القلوب شو رأيك فى هاى الصورة تصلح حق منو من الشباب!!

[بياع القلوب]

هلا عزيز
أنا فيه نفر واجد شغل زين
مافيه قرقر واجد :)



هلا شبوحة :)
مو مكلة بس اهم شي رديتي :)
وشكرا للمدح :)
والصورة هذي تصلح حق مين ياتري؟؟؟

سردال ؟؟ يجي يساعدني في شب الضو :)



طيب هذي صورة ثانيه بعد :)
http://community.webshots.com/coimg?t=thumb&s=img2&p=photos7/&id=948725&key

[سردال]

أنتو طايحين في سردال وسردال يدعي لكم!! :)

سعودية! فيه رفيق مال أنا طباخ واجد زين... اسم مال هو مدردش!! هو فيه تعليم طبخ أن بيريتش...! بهوت أشا نفرات مدردش هزا .... :p أنفع حمالي أنا... الجسم هذا مو على الفاضي! أنفع حمالي!

بياع ولا يهمك... آمر أنت بس...! :)

[الفيلسوف الصغير]

يا ساتر إيش الحركات والبركات هذي ... إيش الفن والإبداع دا كله .. إخس عليك .. والله يا حظكم وها البرحي والقهوة والزنجبيل .. والله شهويتينا واحنا صايمين .. صراحة أظن أنك من (( البدو )) هل هذا صحيح يا عزيزتنا ..
البدو ما مثلهم كرم وشيمة وعز وكرامة وكلش .. إيش الكلام هذا ما ني متصور أحد يقدر يجيب مثل هالحكي هذا .. إبداعك هذا يوديك في ستين داهية وداهية ...
لقد وهبك الله فصاحة وبياناً ومصقعاً و مسطعا .. فلقد أتحفتي الساحة بجميل مقالاتك و عذب ألفاظك..
فلقد أسرت كلماتك العامية البسيطة قلوباً كانت حرة طليقة .. فكلمات تتوالى و معاني تتسلسل و سحر يتواتر .. كل ذلك قد احتوته مقالاتك و أنجبته بنات أفكارك ... فلعلك أن تطلي علينا بحلو مقالاتك و سهولة ألفاظك ...

مع تحيات الفيلسوف الصغير ( الخراط )

[home alone83]

أشوفك ما رديتي علي المزحة ...


لاتكوني زعلتي من المزحة الثقيلة اللي سويتها انا ؟؟؟

تحيااااتي .. :)
لحليب السعودية الراعي الرسمي لكشتة أهل سوالف ....

[شبوحة]

الصورة حلوة

بس ممكن تجيبلى صورتى اكيد احلى وحدة فى الكشتة:):)

تحياتى

[شبوحة]

اسفة لتأخرى بالرد عليك

تعرف شو صار لى لما شفت الثعبانhttp://www.gifs.net/animate/runbars.gifصرت مثل التنين

اركض من الخوف

لكن على مين انا شبوحة وحدى اخوف بلدhttp://www.gifs.net/animate/dino1120.gif

[بياع القلوب]

هلا شبوحه
ولا يهمك هذ صورتك :)
بس ما مداني اصورك زين - كنتي مستعجله تسوين سكاتنغ على الطعوس :)

http://cards.webshots.com/resources2/3/5677.gif

[بياع القلوب]

الا على فكرة ؟؟
وين الاخت سعودية اليوم ؟ ما شفناها ؟ عسى ماشر ؟؟؟

[النابغة الطائي]

القطة ...أيه علي وكم تبون بعد ...؟

صراحة روووووووعة ..بس ما فضيت أقراها كلها ... عطوني وقت أقراها على المكتب وأحسب التكلفة لأني لمحت تزوير أو كلام ثاني المهم أصبروا لي شوي بس إلى أن أكملها .. ..

[شيرمان]

:p:p:p

[home alone83]

لوووووووووووووووووووووووووووووول والله ضحكتيني :) :)








وين أختنا السعودية مختفية هالأيام ؟؟؟؟؟؟؟؟؟

تحياتي ...

[دلوعة ماما]

شبو الو جــــــار000000:)

دلوعة ماما في الطريق00:)

الله يعينكم :p

[دلوعة ماما]

هذه بمناسبة الكشته :)


يا ســعـوديـة يابنــت الأ جـــواد

00000000000000000000الكـشته عند دلوعة ماما مــوأذيـه

ترى التراب طاهر عند الله والأ جداد

00000000000000000000والشـمـــس حاميتـــهــا حمــيه

وترى حنا مخـلــوقين منه أمــداد

00000000000000000000ولانســــيتوا كتــاب الله ونبــــيه






هذه الانشوده لطباخ الكشته :)

هيانلعب باالتــــراب
ياي ياي ياي ياي ياي ياي ياي

نلعب ونلهو مع الأحباب
ياي ياي ياي ياي ياي ياي ياي

هيا هيا ياأصــــحاب
ياي ياي ياي ياي ياي ياي ياي

نأكل وجبة الافـــطار
ياي ياي ياي ياي ياي ياي ياي

نأكل من00 نأكــل من
ياي ياي ياي ياي

نأكل من وجبة سردال
ياي ياي ياي ياي ياي ياي ياي

وهذه الانشوده هديه من دلوعة ماما الى جميع مافي الكشته:)

[شيرمان]

وين السعوديه تسمع هالابيات الجميله
والله يادلوعة ماما ابيات حلوه وجميله عن الكاتبه السعوديه
وهي تستحق اكثر من ذالك

[سعودية]

والله العظيم استحيت وش كل هذا يا ناس

الله يخليكم لي ..

[aziz2000]

وييين كنتي ياسعودية ..؟..:)
عسى ماشر ..:)
وللا طالعييين البر من ورانا ... :cool:

[سعودية]

يسعدني ان الكشتة اعجبتك وتسلمين حبيبتي :)

اذا تبين تدخلين الكشتة لها شروط:

1- دفع الرسوم لعزيز علشان نتقاسم انا وهو القطة :)
2- توقعين لي ورقة بالموافقة عن ما سوف يرد على راسكم العزيز :)
3- وش دعوى تشرفين الكشتة حبيبتي :)

[سعودية]

انا مثل مطوفين مكة مرتبطة بكذا كشتة :)

عزيز والله كان عندي عزيمة جلست اطبخ لها 3 ايام :)
عندكم اسوي نفسي شيء ولكن عنده اطبخ وانا اضحك يا عم :)

[سعودية]

اسفة على التأخير:)
ما لقيت البل " البعارين " والنوق حقاتك ورحت ادور عليهم بالرول سكيت حق الشيطون اللي عندي :)

[aziz2000]

يالله بسرعة هذا النابغة وصل .. http://www.swalif.net/sforum/images/icons/icon19.gif
خلينا نسحب كل إللي في جيبه قبل لايتزوج وتطيح كل الطلعة على راسنا .. :cool:
أهم شئ سويتي الحلى ؟.. أهم شئ في رمضان الحلى ..:)

[سعودية]

صارت قديمة المصابيح اللي فيها مردة ... صارت الحين دلال والمارد سعودي وخر عنه:)

لوسمحت خلي البنات في حالهم وخلي مقالبك على العيال :)

وش هذي المتاهة وقف كمبيوتري من اللف والدوران .. لو سمحت حنا بنات ناس ما يسمحون لنا اهلنا نطلع من شارع لشارع ولا حسيب ولا رقيب .. ما عندك خوات :) اعوذبالله من عيال اخر زمن:)

[سعودية]

تسأل سويت حلى :(:(:(

صرت الذواق ، الدبلوماسي ، سعد الدين ، وكل محلات الحلويات اللي في الخليج يوم سمعت جت تتعاقد معي :)

يا ربي وش اسوي الوكالات اللي انا ماسكتها كثرت :
حليب السعودية :)
الطرطعان:)
الحلويات :)

ءأطع نفسي يعني:)

[سعودية]

ما لقيت الا مدردش بريتش :)

ما يعرف غير فلافل بتسعة ريال :)

والله افلحنا انت بيض وهو فلافل ويا عيني لا تحزن :)







الله يخليك كثر من الدعوات:)

[aziz2000]

أجي من صلاة التراويح .. وأفتح التلفزيون على صوت الشريم والسديس والحرم مليان ماشاء الله .. وصحون الحلى رايحة وجاية من عندي ..:)

تحياتي لحلويات السعودية الراعي الرسمي الثالث للكشتة ..:)

يالله مع السلامة .. :) .. بروح .. أبوي يبيني .. :cool:

[بياع القلوب]

هلا اختي سعودية
وهلا بك مره ثالثه :)
والبعارين وارد الماي احين وشكرا للمساعده :)
بس مو مأنه باقي ناقتين ذلول وقعودين ؟؟ وين راحوا ؟؟ :)

تحياتي

[aziz2000]

أكيد إللي أخذ الناقتين سعودية وزوجها وذبحوهم للمعازيم ..http://www.swalif.net/sforum/images/icons/icon10.gif

تحياتي للكاشتين ..:)

[دلوعة ماما]

عندك كشاف:)

[سعودية]

ما شاء الله عليكم تاركين الكشتة تضرب تقلب وقاعدين تحشوني انا وزوجي :)

والله صايرين كلومبو على غفلة اوريكم :)

الحين ابي البس السلطنية للنابغة واخذ من فلوسة تجون تاخذونها حق بعارين والله حقوتي اذا شفتوا البعارين تهجون الديرة الثانية :)



هين هين يا الضبان:)

[سعودية]

الله الله عليك يا اخوي وش كل هذا ترى اخجلتم تواضعنا
اشكرك من كل قلبي :)

اقولك الصراحة لا ماني من البدو ابدا حضرية ابا عن جد
وحنا بعد كرم وشيمة وعز وكرامة وكلش مثلهم تمام :)

شكراً على الصقع والمسطع اللي الله اعلم وشو هو:)


يسرني ان تكون قد استمتعت في صفحتي المتواضعة :)

[سعودية]

الحمدلله على السلامة :)

واخيراً وينك يا عم مافي داعي تقرا انت هات الموني وخلي الباقي علينا انا وعزوز :)

اقراء السالفة بعد انتهاء الأجزاء احسن:)

[النابغة الطائي]

الظاهر بعد طماطم السعودية مسوية أنقلاب وتحزب مع عزيز وجرير .. وماهذه الكشته إلا تخطيط لأغتيالي ... أيه بس أنكشف الملعوب .. أنتظروا الحرب ..

[سعودية]

اشكرك اخوي من بعض ما عندكم:)

[سعودية]

اشكرك على الشعر الحلو الزنبوط :)

لكن الله يخليك الجزء القادم قل شعر مثله بلاش هجاء تراي ما احبه:)

[بياع القلوب]

هلا سعودية
طيب البعارين وعرفنا حق مين
طيب يعني احين انا شاب الضو وحاط الحاشي وانتظركم تجون ومحد حولي؟
كل واحد مشغول بشي
اللي يطارد بعارينه
والي يطارد جرابيعه
والي يطارد ظله :)
ماصارت كشته هذي ؟؟!
تعالوا عاد بلا لعب وذوقوا الحاشي
صنع ايديا وحياة عينيا :)

[home alone83]

ليه ماعزمتينا على الفطور ( عزيمتك ) ؟؟؟ :)



تحيااااتي .. :)

[سعودية]

اسفة جداً انا نباتية :) ماكل لحم ياي انتم متوحشين:)

[بياع القلوب]

ياي
يامامي :)
اجل مشغليني من بدري اسوي حاشي وكبده وكلاوي
وبالاخير ما تاكلي من طبخي ؟
:(
خلاص بطلت
بجيب لكم فقع احسن

[سعودية]

الله يسلمك ويعز مقدارك :)

عزمناك بس تلفونك مشغول على طول شابك الإنترنت وطايح سوالف وش نسويلك :)

[سعودية]

فقع انا اكل بس :) دفع ما ادفع زين ، مفهوم:)

[بياع القلوب]

طيب والخساير حق الكشته على حساب مين ؟
مو كفايه الحاشي اللي برميه الا باتحمل خيشة فقع ب 5000 ريال ليش؟
انا اقترج نعمل قطيه وش رايك ؟
انا ابدأ بـ 100 ريال :)
تعرفون راتبي خلص مع مقاضي العيد من أحين :)
شدعوه ؟ كلها ثوب وشماغ :) ومسوي أزمة ماليه لي :)

[سعودية]

حرب ايه يا عمنا ولا مؤتمرات مجرد اننا بنستكردك ادي كل الحكاية
القصة هذي موجودة في التأريخ منذ الأزل:)

[سعودية]

أقرأ وقول لي وش رايك حلوة ولا ملتتوته:)


نقول ان شاء الله تعجبك :)

[الحرالمزيون]

الرواية او القصة او او او فلسفه معليش( اتغشمر وياش ) .
سعوديهلبا خشمش على شعورك انا بعد احب البرد واحب البر واحب الخلاوي والصحاري والبعارين وكل مايطلعنا من موت الحظارات الي صرنا فيها ننساى كل طيب فينا وابدعاتنا تكفيني بسرعه قبل لايجي الحر وروح في خرايطها كملي الكشته وعلميني مكانكم عشان اجيكم اصل عندي ماجلان يشتغل على ثلاثين الف وستمائة وشوي قمر صناعي اقدر اجيكم بالدتسن ومعي القطيه
ويعطيتس العافية

[بنت المطر]

القصة حلوة .. و الكشتة احلى .. لو اني ما اعرف السالفة من البداية.. بس عجبتني .. على فكرة انا دورت الجزء الاول بس ما لقيته !!! و في خاطري اعرف البداية كيف ..


good luck
بس متى الجزء الثالث :)