View Full Version : ابغى اشتري جهاز pc
الشرقاوي
26-10-2000, 05:22 PM
السلام عليكم
اخواني ابغى منكم الفزعه:)
انا عندي قريب في امريكا يدرس :) ويمكن يرجع بعد شهر :)
عشان كذا انا ابغى اوصيه يجيبلي معه جهاز حاسب:)
لاني سمعت ان امريكاتمنع تصدير الاجهزه السريعه :)
لا سباب سياسيه:)
واناما ابغى جهاز سريع مره لانه يكون غالي جدا
عشان كذا ابغى جهاز بحدود الـ6000ريال
وبصراحه انا ماني خبير بالكمبيةتر لاكن ابغى لي جهاز للانتر وبس
فهل يمكن اني الاقي هذي المواصفات في امريكا والا لأ مع العلم اني سعودي:)
انتظر ارااائكم
"وبصراحه انا ماني خبير بالكمبيوتر لاكن ابغى لي جهاز للانتر وبس"
دام انك مب خبير " مثلنا " وتبيه للإنترنت بس ... ليش تبيه من أمريكا
يعني جهاز بسرعة 800 ما يكفيك ؟
أعتقد إنه يكفي وزيادة
هذا رأيي وإنت بكيفك
دكتور / مجنون
27-10-2000, 06:14 PM
انت تبغى تشتريه من امريكا ..
طيب فرضا خرب الكمبيوتر .. ما عليه ضمان هذا اول شئ
ثاني شئ .. يمكن اذا بغيت ترقي الكمبيوتر حقك بعدين ما تتوافق الاجهزه ...
ثالث شئ اذا انت ناوي تشتري كمبيوتر ما يكلفك 6000 ريال
على الاكثر اذا تبغاه احدث شئ نزل السوق 4500 ريال
واذا انت تحب الاشياء الجديده .. انا لي ولد عم هناك و يقوول في كمبيوتر بريموت كنترول .. عن بعد كله عن بعد عن طريق الكيبوررد تشغل .. تطفى ,, كل شئ فيه
بوفاطمة
31-10-2000, 09:24 PM
السلام عليكم
اولا ياخوي عليك بمعالج AMD لانه اسرع من معالج intel
ثانيا خذ الماذر بورد الخاصة اللي تجي مع معالج AMD
ثالثا الذاكرة خلها 128 رام بس حط بالك ترى الذواكر نوعين اول نوع سرعتة 100 والنوع الاحسن سرعتة 133
رابعا خذ شاشة 17 انش ولاتنسى ان كل ما كانت الدقة اعلى ارتاحت العين من التعب
خامسا القرص الصلب او الهارد دسك نصيح ياخوي لا تاخذ نوع western digital لانه راعي مشاكل او عليك ب c gate ولاتاخذ سعة كبيرة مثل 20 جيجا بايت خذ قرصين سعة كل واح منهم 10 لان اذا تعطل عندك واحد ماراح تخسر كل شي
اخيرا باقي الامور العادية مثل كرت الشاشة خله ايكون 32 بت
كرت الصوت خلة 3D والماوس مايكروسوفت ذو عجله في المنتصف والسي دي ماعليك من السرعة كلهم نفس الشي - سرعة 50 زين
والنصيحة الاخيرة بالك ياخوي تاخذ مودم نو motorla صحيح انه رخيص لكنه بيراويك انجوم الظهر
في أمان الله واسامحنه على القصور
** سبحانك الله وبحمدك اشهد انه لا اله الا انت استغفرك واتوب اليك **