والله وتحقق مناي

[مها]

السلام عليكم ورحمة الله وبركاته
انا واعوذ بالله من كلمة انا توني بقراطيسي اذبحوني لين سجلت ما خليت اسم ماحطيته
حتى اسم أم السعف والليف حطيته مالقيت الا منهي ماخذيته والله من شين الاسم:(
تراني وحده على وجهي وما اعرف اكتب مثل ما تكتبون ولا اعرف اكتب عربي فصحى(والله من الدلاخه اللي في دميجتك)
بالعربي قرويه توني مااعرف استحملوني ولا ابي احد يزعل مني من اولها ترى واللي بيزعل يقول من الحين
لا تنفخون على تراني أصيح:(
ومن هذا المنطلق احب ان اشكر ( ايه هين ياسيبويه)
مراقب 991 على جهوده معي (ابتدا دهن السير)
عاد تكفون ردوا مو تدخلون الموضوع وتقرونه ثم تسفهوني ترى ابقعد عند باب موضوعي واللي يدخل ولا يكتب معاي مشعابي ترى:)
واتمنى اكون بيبسي على كبودكم
اقصد تقبلوني كاخت لكم
وسلامتكم

[wildorchid]

والله يحييك بينا..

بس تراهنيني ان 3/4 الاصدقاء هنا ماراح يفهمون عليك؟:)
وخصوصا ام السعف والليف :):)


تحياتي :)
أوه نسيت أقول
ان الزعل غير مقبول هنا أبدا..
وشيء ثاني ان كل جديد لازم يدفع للحفار ولي رسوم اشتراك..
بالنسبه لي..يكفيني جريش..بس شوفي وش يبغى الحفار..


سلام :)

[النابغة الطائي]

العشاء عندي غداً .... وجميع شعب سوالف .. في قصر سوالف .. وحياكم ..

[ساهر الليل]

ادلعك علشانك جديده ما تعرفين شي :) يا ويلك بعدين

شكلك مقلعه من اولها تعجبيني :)

انا عمك ساهر ... وينادوني سبع الليل لاني ما اخاف غير من البساس :)

الله يحييك معنا والله الله بالأقلاعات اللي انا احبها بالمايونيز :)

تحياتي مها :)

[Huda76]

هلا والله أختي مها

حياك الله في سوالف :)

أسفرت وأنورت :)

تحياتي

[BRABUS]

ما شاء الله

هاي من البداية وجي

الله يستر بس :):)

أم السعف والليف راكب عليج يا اخت مها

وحياج الله بينا :):)

[شذى الورد]

مرحبا الساع ام السعف واليف اوووووووووووووووبس قصدى مها...

نورت سوالف من كثر الجدد

نرحب فيك اخت بينا ......بس سويلنا عزيمة كبيرة بما لذ وطاب

علشان نقبل فيك ok























السموحة اتغشمر وياك

بحر

[ريانة]

هلا باطش والرش....والبيض المفقش والمنتش

لاتسأليني عن معناها وتورطيني












تكفيييييين:)

[هند93]

السلام عليكم ورحمة الله وبركاته

كيف حالك أختي ، أنا جديدة معك أيضا ، وأصابني ما أصابك

ذكرتيني يومين على أعصابي ولكن الحمدلله بالنهاية هاأنذا معكم والحمدلله

[الحفار]

هلا والله بسحيله

طبعا علمتك اوركيد انها تبي جريش

انا ابي مطازيز وتكون ساخنه

وبعدين كل صبح تحبين على راس عمتك اوركيد

وتجيبين لي تمر حلوه وقهوه

,,
عفيه عليك شاطره تسمعين الكلام


تحياتي لك

[تفاحة]

هلا بمها اخت حبيبه وعزيزه على قلوبنا مثل الايسكريم >> ما احب الببس :)

حياك الله معنا في سوالف الخير //

ولا تسمعين لاوركيد انا صاحبة مكتب الاشتراكات :):)

نبيك تدفعين رسوم اشتراك في سوالف الاصدقاء //

وبما اننا على بداية فصل الشتاء اللي كل شئ فيه ينكمش :)

انكمشت الرسوم وصار في تخفيضات 70% //

وباقي الـ 30% // ناخذهم قطه من الاعضاء :)) ها موافقه //


ومثل ما قالك عمنا سبع البراري اقصد سبع الليل :) كثري من المايونيز :):)

تحياتي //

[wildorchid]

اذن بامهاوي ياأم دميجه صار مطلوب منك جريش ومطازيز..لمره وحده فقط..بعدين تبدين بالتمر والقهوة للحفار :)

ويوم طعش تجيبين غدا لباقي الاعضاء :)

الا وراك على اعصابك؟
عسى منتيب داخله امتحان البورد؟؟
لازم اسأل المراقب 991 عن سبب صعوبة الاسئله!!!!!

[ساهر الليل]

يا هلا والله

الله يحييك معانا بسوالف


ترى انا نفسي اللي فوق

بس جالس اجرب الكيبورد الجديد


يا هلا نورتي :) اللي يسمعني يقول كنا مظلمين :)


تحياتي

[المعاند]

هلا بمها وبصراااااااااحة بقول كلمة لكٍ من البداية
( :) ياخف دمكٍ :) ) :)
بجد يسعدكٍ الله على هاالتلقائيه وصراحتكٍٍ
امممممممم (واحد يبي يتحاشى مشعابكٍ)
:):):)حياكٍ الله إختي بينا وتحيتي :)

[ناظج]

هلا بك مها

اشوفك داخله سوالف بقوة تبين الشهره من اولها صحيح خطيره....ترى امزح معك:)

حياك الله في سوالف بين اخوانك

هذي سوالف نورت بوجودك....(حشى MBC:))

تحياتي

ناظج

[مها]

وايلد اوركيد. يسلمك ربي ويخليك لعين ترجيك وبحاول اكتب بطريقه مفهومه شوي
مع انه ماش الدميجه ماتشتغل زين:)
اما الجريش فتم علميني متى تبينه واروح لك اياه
وش رايكم ارسلكم انتي والحفار خيشة قريظ ها تنفع:)
_________________________________________________
النابغه الطائي
هلا بك ومرحبا بس تكفى ابي عشا سنع يعني مابي ساندوش ابي مندي ولا اقولك لا هونت قد الخرفان عندها مرض الوادى المتصدع
0(الا وشهو يعني المتصدع عجزت افهمه)
________________________________________________
عمي ساهر الليل
اقول لاتزعلوني ياربع سوالف ترى صار لي عم يعني عزوه (عزوه يعني اهل)
ياهلا ومرحبا بك ياعمو
والاقلاعات تحت امركم بس عندى بالمسترد والكاتشب
________________________________________________--
هدى 76
هلابك ومرحبا واسفرت وانورت واسفهلت اومطرت بك
___________________________________________________
برابوس
انا صح كتبته ولا لا والله مدري لاتشره على تكفى من فرحتي بالتسجيل ارد رد ثم اطامر ثم ارجع اكتب
اما ام السعف والليف تصدق لقيت احد ماخذه مدري مين
والله انك صادق وش مها ماينفع على غير هل الاسم ولذلك اطالب بان يتغير اسمي
___________________________________________________________
بحر
هلا بك لا ياخوي انا ماازعل ابد متطعمه ضد الزعل منذ مبطي وخذ راحتك تمون
الحين انا الجديده وانا اعزم مايصير بس ولايهمك عندي الحين فصفص تفضل:)
_______________________________________________________-
هند 93
انتي بعد جديده حياك الله وهلا بك أي والله اني اتنافظ كاني شابكه على كهرباء 22
_______________________________________________________
الحفار
ههههههه سحيله تراها من القبيله
ابد اللي تبيه(ايه هين الحين انا جديده واقولكم اوكي عقبها اوريكم)
وراكم كلكم على تخانقوني هين هين اوريكم
هلا بك والله
________________________________________________________
هلا وغلا تفاحه
ياربي يعني لازم ادفع اجل وش رايكم يدفع عني كل من تعدى عدد مواضيعه ‏2000‏-
وانا اوزع على سوالف الاصدقاء فروات بماانه جا الشتاء تراها زينه وتدفي
الفروه هي عباره عن شيئ مثل البشت وداخلها صوف الغنم
ها نتوكل على الله
__________________________________________________________

[مها]

هههههه وايلد اوركد لي في التسجيل سالفه طويله احكيها لكم بعدين
ياني صجيتهم على الخط الحار اللين سجلوني يبون يخلصون من غثاي
______________________________________-
عمي ساهر عساه يكتب زين انا عندي كمبيوتر من عام السبله
مايمشي الا اذا كمخته بمشعابي تبادل:)
______________________________________________-
المعاند هلا والله ومرحبا
مشكور على هل المجامله بس ادري تبي تقول خبله بس مستحي تقولها:)
وحياك الله مليون
______________________________________
ناظج
لا واالله مو شهره بس ابي عشرة ريال واطلع
ولعيونكم (المستقبل ) يعني اني عندي دش

[تفاحة]

وش رايك مابي رسوم :)

اعطيني الفرو اللي تبي توزعينه // تدرين ليه :)

ابي ابسط وابيعه عند باب سوالف :):):)

تحياتي //

[ساهر الليل]

كذا الشغل وانا عمك خلك شديده من اولها لا تخافين منهم :) معاك ساهر ... ( خلوني استعرض عليها )

هو واحد اسمه البس الوردي من يوم تشوفينه اكحشيه لا يقرب لك

هذا له قصه اعلمك فيها بعدين :)

وش بغيت اقولك ايه ..

توقيعك مهو صاحي مقلع من جد :) هاهاهاهاها

عجبني والله

[شذى الورد]

السموحة على التطفل ممكن اعرف فصفص شو يعنى؟؟؟؟؟؟؟؟؟

[wildorchid]

خلاص تمّ:)
احتريتس باتسر المسيان عند دخنه :)


--
بحر
فصفص يعني حب يعني بزر يعني ذاك الشيء الصغير الذي يمكن تقشيمه أي أخذ لبه وتركه خاويا..:)

[عسل]

مرحيب :)
----
عســـــــــ ابعدي عني .. تراني اتلزق ــــــــــل

[غاية النفس]

:) هلا والله بالمها :)


اهنيك على خفة دمك .. :)

[wildorchid]

باسحب منك ادارة الخزنه..
لأنك قاعدة تسوين خصومات من راسك..وفوق كذا مابعد حصلتي الرسوم :(

يعني وش اسوي فيك؟؟

[بنت الأحزان]

مرحبا بك مها ..:)
ماراح أقول لك غير الله يعينك على لقافتنا(مرات هاه مب دوم) :)

وانشالله تكوني مرتاحة في الاقامة الجبرية ..
(أو أقصد في الزيارات القصيرة أو الطويلة ) على حسب مزاجك :)

تحياتي لك

[فارس مشاعر]

وترى احلى مافي الانسان عفويته00وترى كل كلمه قلتيها نقولها كلنا00وتراكي مننا وفينا00 وجدا عجبني اسلوبك00والاهم عزيزتي انك تقولين ماعندك بصدق وحب واخلاص واحترام للجميع وباي لغه تحبين لان كلامك راح يصير موجه من القلب وراح يدخل قلوب كل الاعضاء000وترى كل الاعضاء هنا سواسيه ولافرق بينهم لا في اساميهم ولا عدد مواضيعهم00الفرق في عطائهم وحبهم واحترامهم للاخرين واحترامهم لعقول متلقيهم وان تكون مواضيعهم جيده ومفيده فقط لاغير00فانتي مبتداه وقد تتفوقين علينا جميعا بمقدار عطائك وحبك واحترامك للاخرين000وسلامتك000

وهذي باقة ورد نيابة عن جميع الاعضاء ترحيبا بكي:-

http://image.safecommerce.com/flower/large/AFS104-l.jpg

[khalid99]

هلابك

ومراحب

[النعسانة]

http://www.harrythecat.com/graphics/k/welcome1.gif حياك الله بين خواتك واخوانك ................... اتمنى لك طيب الاقامة .......... :)

...................http://www.harrythecat.com/graphics/k/hello2.gif ..............

[زورو]

افا و الله انت مب بيبسى على قلوبنا انت يالله خلنا انقول سفن أب لانه مفيد حق عسر الهضم اللى ناوية اتسوينه فينا :)

تك تك تك ...من عن الباب :) مها عند الباب ...ناوية علينا ...الله يستر ...منها و من عصاتها ...:)

[مها]

تفاحة هلا اجل افتكيت من الرسوم مير الله يسلمك
____________________________________________________________
عمو ساهر ايه تبي تورطني علشان يتوطون في بطني انا داريه:)
____________________________________________________________
بحر الفصفص زي ماقالت لك اوركيد وجربه مع البيبسي تراه يهبل
____________________________________________________________
اوركيد ابحتريك تحت ساس بيتنا تم
____________________________________________________________
عسل هلا والله
مهــ وين ابعد فيه ــــــــــــا
____________________________________________________________
غاية النفس هلابك من بعض ما عندك
ويخليك ربي
____________________________________________________________
بنت الاحزان جعل ايامك فرح دايم
عندي وعندك خير اللقافه نابعه من معاليق قلبي:)
اما الزياره انا لازقه فيذا ماني رايحه ابد
____________________________________________________________
فارس المشاعر
حياك الله اخوي
وصادق ياخوي اهم شيئ الاحترام المتبادل وانشاء الله تشوفون مني مايرضيكم
وتتقبلوني اخت لكم انشاء الله
____________________________________________________________
خالد 99
هلا بك اخوي
____________________________________________________________
النعسانه
هلا بك وبتطيب الاقامه بوجودكم انشاء الله
____________________________________________________________
زوز
هلابك والله ياليت نفعت عصاتي شف عدد الزوار شكلي ابجيب عجرة ابرك

[بياع القلوب]

اهلا بك بين اخوتك في سوالف الاصدقاء
ولك كل تقدير واحترام :)

[مها]

هلابك اخوي بياع القوب
ولك كل الاحترام والتقدير
ومشكور

[ma3gool]

غصبن عن ابو جد جدي ارحب فيس...يا حبي لبساطتس وعفويتس....
واحلى شي البساطه والبعد عن التكلف...:):) الله يحييك واعتبريني اهلس ههه:)واذا احد زعلس فكيني عليه..وقولييي معقوول وتلاقيني على طول..:)

[طيبة]

طيبـــــــــــــــــــــــــــ http://static.123greetings.com/flowers/images/flwroses60.gif ــــــــــــــــــــــــــــــة