هل يعتبر عيب أو ....؟

[amera1]

شلونكم:)

كل واحد فينا لازم مر بمواقف في هالدنيا سواء كانت حلوه أو مره

وكل شخص فينا له طريقه في التعبير عن أحاسيسه تجاه هالمواقف

يعني نشوف بعض الناس قلبهم قوي وقادرين على ضبط مشاعرهم

وأحاسيسهم في المواقف الحزينه ...وفي ناس العكس دمعتهم قريبه

وآآآيد من عينهم (( مثلي أنا )) سواء كان في الفرح أو الحزن

ومادري هل هذا يعتبر عيب فيني أو ميزه ؟؟ :)

اللي أحب أقوله هل كون دمعتي قريبه من عيني شي يعيبني ؟؟

خصوصأ في الوضع الحالي اللي نعيشه بعد الحادث الأليم مع كل خبر أسمعه أو أقراه أبكي ومو بيدي الصراحه

بس أحب أسمع رايكم
هل عيب أن الواحد ينفّس عن مافي داخله من حزن أو حتى فرح بالدموع؟؟؟

وتحياتي لكم:)

[سنفور غبي]

أهلين..

لا مب عيب... أصلا اللي تكون دمعته قريبه من عينهم يرتاحون نفسيا.. :):)

وبس;)

[بوسناد]

^1

سبحان الله اختي ... هاذي الدنيا ... و الناس أطباع و أجناس ...

ويجب علينا ومن واجبنا كمسلمين أن نرى أولا ماهو الحل لأى مشكله نحن في صددها وأن نزن الأمور فيها بعقلانيه ... و الناس أنواع ... منهم العقلاني ومنهم العاطفي ..
يجب علينا أن نغير من أنفسنا .. و إذا كان الحل سيكون بالتحسر و البكاء ... فلنبك

و لكنه ليس الحل ..

أرجو أن أكون قد وفقت في إيصال ما أريد إيصاله ..

:)

[amera1]

بس تصدقين عزيزتي إني أحيانأ أخجل من نفسي
لأن البعض يعتبره ضعف !!!!

[amera1]

معاك في كل كلمه قلتها والإنسان المسلم والمؤمن هو القادر على التحمّل وضبط النفس
وراح أوضح لك شي وهو إني الحمدلله قادره على ضبط نفسي بشكل عقلاني بس شاسوّي بدموعي تخونّي وتنزل من عيوني بشكل تلقائي :)

وتحياتي لك أخوي :)

[ساهر الليل]

عزيزتي

ان تكون دموعك ِ قريبه وسهلة النزول ليس عيباً ابداً

وانما اعتبره طـــيبة قلب كبيره جداً ...

ان ما تعتقدين انه عيباً انما هي ميزه رائعه اتمناها فيمن احب

لانها تدل على مدى الصدق في قلب هذا الانسان ...

هذا رايي ورؤيتي
تحياتي عزيزتي

[Miss Internet]

أقولج صيحي ولا عليج من حد
تـرتاحين والله

(( كثرة الضغط يولد الانفجـار ))
لازم اتصيحين ولا بيلج انهيار عصبي

وترى هالشي عـادي .. لا تستحين من حد :)


:) http://www.swalif.net/sforum/images/icons/icon2.gif فيلسوفة زمانها

[بوسناد]

يعني قصدكم نضربها مناحه لين ما نرتاح

و الله دنيا

ولا تزعلون مني ...

:)

[amera1]

مشكور عزيزي على ردك وبصراحه عجبني تعرف ليش
لأن الرجال هم أول من يعتبر بكاء المرأه ضعف .... بس الظاهر راح أغيّر هالفكره :):)

Miss Internet هلا فيج أختي
ولاتوصين حريص والله يبعد الإنهيارات العصبيه عن الجميع
مشكوره عجبتني فلسفتج :)

[رزونة]

بالعكس انا احسدك لاني من النوع الي ما يقدر يعيط بسهولة يعني وقت ما احس اني عايزة ابكي واتمنى لو تنزل دمعة ما تنزل والله لو جلست اترجى فيها ساعات وهذا شي طبعا مزعج لاني بسببه لا ارتاح عندما اكون بحاجة للراحةلهذا انت عندك نعمة لكن وبراي انه مش جيد انك لا تستطيعي السيطرة على مشاعرك انصحك بالمحاولة لان البكاء يدل على ضعف الانسان حيال موقف منظر وانا لا احب ان اشعر من حولي اني ضعيفة لهذا لو انك تبكي بينك وبين نفسك افضل من ان تبكي امام احد
بوسناد
مع احترامي لرايك ومع علمي ان كلامك صحيح لكن البكاء نعمة والرسول قال بما هو معناه ا البكاء على ميت او على فقدان ميت ليس حرام لكن العويل والصراخ هو ما لا يجب بنا ان نفعله اما البكاء فهو نعمة للتنفيس عن المشاعر التي بداخل الانسان حتى لو لم تكن هذه الدموع ترجع ما كان قد ذهب

[amera1]

أخوي بوسناد أنت فاهم غلط
في فرق بين المناحه واللطم والعويل وغيرها من الإمور التي لاتجوز
في مثل هالمواقف ...وبين إنهمار الدموع من العيون في لحظات حزن أو فرح تلقائيأ :)

[amera1]

سبحان الله يارزونه !!
إشرايج نتقاسم ونوازن نفسنا :):)
بس تعرفين ( خير الإمور الوسط )
على فكره صحيح دمعتي قريبه بس دائمأ أتجنب إظهار هالشي
مادري أقول هالميزه أو هالعيب :)

[رزونة]

انا عني موافقة على المقاسمة :):):)
لكن لا تخلي هذا الموضوع هو همك عيشي حياتك وحاولي قد ما تقدري تسيطيري على حالك امام الناس

[amera1]

أتفقنا
بس أدعي من الله الأمور الحاليه تمر على خير وتستقر الأوضاع
راح تشوفيني غير شكل :):)

[رزونة]

الله يفرحك كمان وكمان وكمان كمان يا وردة :):)

[سنفور غبي]

رزونه... حالي والله من حالج.. قلبي يطلع ودمعتي ما تنزل هههههههههههههههههههههههه :):) عطيني شوي يا أميرة سوالف.. لو ممكن يعني ;)

[amera1]

تسلمييييييين يارزونه وياج إن شاء الله :)

سسنفور غبي ولايهمج بس شوي ؟؟
بس لالا والله راح اعطيج دموع الفرح أحسن صح ؟:):)

[القط الوردي]

والله البكاء ماهو عيب بل على العكس
يدل على رقة القلب والانسـانية خاصة
اذا كان بين الانسان وبـين نفـسـه .
وبالمناسبة كان لي زميل بالمتوسـط اذا
بكـا لاي سـبب تنفـتح شهيته للاكـل :):)

[amera1]

كلامك صح عزيزي
بس تعتقد لو الرجل كان من هالنوع !
شنو رايك هل هو عيب أو ضعف
وهل دموع الرجل إهانه له ولرجولته ؟؟؟

[أبو وردة]

انا ماهو بس مواقف بس لا.
انا لم اضحك عيوني تدمع
وانا شايف انو ماهوعيب
وبعدين هذه خلقت الله
الهم لا عتراض


سلامتك

[نجمة المساء]

موعيب ان الواحد ينفس عن اللي في داخله بس
العيب انه يكبت الشي هذا


الانسان كتله من المشاعر
وكتله من الاحساسيس

اشلون ما تبينه يقول او يتكلم ؟؟؟؟

[ساهر الليل]

ابكي على كيفك وما عليك من احد

بعض النساء وجوههن جميله

ويصرن اجمل عندما يبكينا :(

[amera1]

سبحان الله
رب العالمين خلق لنا الدموع للتنفيس عن الحزن والفرح
تحياتي لك :)

[amera1]

شلونك عزيزتي ؟
إذا تبين رأيي أنا سواء كنت فرحانه أو حزينه دموعي تنهمر من عيوني تلقائيأ :)
يعني ما أقدر أكبت مشاعري ...مفضوحه في الحالتين :):)
وتحياتي لج :)

[amera1]

أخوي ساهر الليل
أول مره أعرف هالمعلومه :)
راح أجرب هههههه:)

[القط الوردي]

ليس عيبا ان يبكي الرجل لكن
الموضوع يعتمد على السـؤال :
ليش بكى هذا الرجــل ؟؟
لكن دموع الرجـال غـاليــة :)

[دموع حائرة]

لا طبعا بالعكس ..
ياهووووووووووووو ياحساس ؛)

[لميس]

إذا وزعتي دموعك على رزونه وسنفور غبي...يبقى لي شوي منهم؟؟؟ لأن حتى أنا وقت الي احتج ابكي ماتنزل دموعي..

ولا تهتمين..حالتك ماهي عيب..
واعوذ بالله من عين لا تدمع ومن قلب لا يخشع

[sharb]

ست امورة
مش عيب ابد يعنى زي ابو وردة انا ويمكن اكثر
ادمع لجيت اكركر اصير غرقان
بس البكاء الكثير سواء حريم ولا رجال ضعف منهم
الواحد لازم يصبر يعنى تجى ظروف لازم يصبر علشان
مايصيح اللى حوله
لكن ظروف ثانىه غير هاذي زى لما يكون مكتوم من
القهر لازم يصيح انا اعرف واحد وهو كالاستاذ
نصحني فيها لانه كتمها وانصاب بتفجر شريان العين
الله يكفينا الشر ويبعده عنا
ويكتب اللى فيه الخير
اللهم لا اعتراض

[amera1]

أكيد دموع الرجل غاليه جدأ جدأ جدأ
بس شنو سبب غلاتها ؟؟
هل لإعتقاد الرجال بأنها راح تظهرهم بمظهر الضعف والهزيمه؟؟
أو لإعتقادهم بأنها حكر على النساء فقط ؟؟

تحياتي لك :)

[amera1]

بصراحه إسمك عباره عن إجابه وآفيه لسؤالي :)
ومشكوره على المشاركه :)
تحياتي

[amera1]

ولايهمك راح اوزعها بالتمام والكمال
بس راح أوزع دموع الفرح مو الحزن :):)
الله يبعد عنّا الأحزان وعن جميع المسلمين آآآمين يارب
تحياتي لج :)

[amera1]

كلامك صحيح أخوي
والله يبعد عنّا الحزن
ويجعل أيامنا كلها فرح وخير
وتحياتي لك :)