في رأيك الخاص .. شو هو أحسن نوع كمبيوتر شخصي؟

[Miss Internet]

أنا الاحظ ان الكل قاعد يقول كومبـاك
وأيسر ايقولووون اييب مشاكل

شو رايكم انتو ؟؟

اذا انت مستعمل كمبيوتر واتشوف انه زين وما اييب مشاكل فيا ليت اتقولنا شو هية نوعية الكمبيوتر اللي تستعملة ؟؟

أبا أشتري كمبيوتر يـديـد ومـا أعرف شو أحسن نوعية
فيا ليت اتساعدوني :)

[BRABUS]

شوفي جهاز DELL

ما أعتقد إنه له منافس

وعن اللي عندي

LEO

وماشي حاله

:):)

[MOON_LIGHT]

بصراحة وبدون وقاحة
لو تشترين جهاز مجمع وتنقين القطع على حسب ما تبين يكون أحسن
لأن لي صديق أو ثنين عندهم كومباك ويشتون منة ومن كلفة إصلاحة وقطع غيارة
وكذالك لي صديق عليمي شرى أيسر وكل يوم فور مات
أما عن الديل أو DEELفأنا مجربة شخصين ولا أنصح فية
لأنة نظام أمريكي ولا يتوافق مع كثير من البرامج والقطع الغير أمريكية
وإذا تبن رائيي
خذي جهاز مجمع بالمواصفات هاذي
مذر بورد جيجا بايت DEUL BIOS
معالج CPU
iNTEL PENTUM 3
وبسرعة 650هرتز
أما الذاكرة فـ 18.5 غيغا بايت
أما كرت الشاشة S3 COLOR MAX
أما المودم يو اس روبتكس
أما الرام 124
سي دي يوماها
قرص مرن SONY
كيس ATX
شاشة ايسر 18بوصة
هذا كل ماأنصح فية
وعساك توفقين إختي

[Mr Ghost]

أنصحك بان تأخذي
VGA card voodoo هو احسن نوعيه وممتازة
أما الشاشة 16 بوصة يكفي لاتاخذي اكثر عن 16 بوصة احسن نوعيه للبوصة هي فليبس فهي احسن نوعيه حتى الآن
معالج CPU نفس ما قال الأخ
Intel Pentium 3
بسرعة 900هرتز
إما المودم أنصحك خذي ايسر
السي دي 49 LG أو 50 فهم احسن نوعيه لا يعاني منها أحد أما كريتيف 52 ما ينفع موليه
هذا كل ما عندي من المعلومات واسئل الله بالتوفيق

[squall]

أصلا كل الاجهزه مجمعه كومباك قطعه مجمعه آي بي أم مجمع كل ابو الاجهزه مجمعه

وسلامتكم

[شوك]

اختاري كبيوتر بدون اسم احسن لج !!

بس نقي الي بداخله مثل المزربورد و الذاكره والمعالج وكرت الشاشه والهارد دسك بعنايه .

اما اذا بغيتي ماركه معروفه فعندج " Gateway " يمتاز بسمعه ممتازه في امريكا ولا تقربي من كمباك او ايسر !!


شـ ـ :) ـ ـوك

[E55]

والأطول عمرا ، والأسهل من ناحية الإستخدام والتطوير

وفوق هذا كله ، الأرخص

[Miss Internet]

بـس لازم يكون عندي اليوسر مانيول عشان أجمع الكمبيوتر .. مب على كيفي ولا ؟؟
عشان الترقية .. ( للسرعة أو الذاكرة .. وخلافة)

انزين أنا أطمع في سرعة أكثر عن 999 هرتز

أطمع في معالجات الجيجا بيت .. امممممممممم مثلا AMD ATHALON

شو رايكم ؟؟


والله حيروتني .. أنا صح عندي معرفة بتركيب الكمبيوتر بس أخاف بعد هالتعب والمخاسير كلها ما يشتغل الكمبيوتر .. !!

وبعدين .. لو اخترب الكمبيوتر .. وين أصلحة ؟
مـا شي ضمان لو اني انا اللي ركبته !!

والضمان شي ضروري بالنسبة ليه :)


وشكرا لكم :) :)

[BRABUS]

واحد من معرفي

ماخذ كمبيوتر DELL

بسرعه 450 وذاكرة رام 256 وهارديسك 10 GB

وأنا اللي عندي تقريبا نفس المواصفات بس المعالج بسرعة 550

وجهازه مقطع جهازي في كل شي

جهازي سيكل جدامه

بصراحة أجهزة DELL اليديده ولا أروع

وإذا تبين معالج في الجيجاهيرتز

ترا شي بنتيوم 1.13 جيجاهيرتز

وانتظري لي معرض سوق الكمبيوتر لأن احتمال ينزل بنتيوم الرابع

وسلامتج :):)

[Miss Internet]

شـكـرا .. يمكن أشتري Dell منـو يـدري :)

على العموم أنا بشيك هالموقع لـ Dell (http://www.dell.com/us/en/gen/default.htm)وباشـوف

أشكرك مرة ثانية :)

[Miss Internet]

ويــــن الـبـاقين !!
ليش ما يدلون بدلوهم !!

:(

[E55]

أنا بتكلم عن التجميع

بخصوص معالجات AMD 1 Giga ما أعتقد إنها متوفرة في الإمارات لأني سألت في أبوظبي وقالوا إنها مب متوفرة

ما أدري إذا المعالجات هذي متوفرة في دبي (بس المعالجات مب الكمبيوتر) .

أما عن الكمبيوتر إذا بيشتغل ولا لأ ، فهذا يعتمد على اللي بيجمعه ، وعموماً عملية تجميع الكمبيوتر سهلة للي تعلمها ومارسها

وعن الضمان ، فأعتقد إن كل قطعة موجودة في الكمبيوتر عليها ضمان لمدة سنة ، وبعض القطع عليها ضمان 3 سنوات

وكون إنك إنتي اللي ركبتي الجهاز ، يجب إنك تعرفين القطعة العطلانة إذا إخترب الجهاز وتبطلينها وترسلينها للمحل عشان يبدلها

وعلى طارى المانيول ، ما بتحتاجين إلا لمانيول الماذر بورد (وأحياناً ما يكون له لزمه)

وعلى فكرة ، إنت ذكرتي في موضوع ثاني إن الكمبيوترات الجاهزة أرخص من المحمعه ،، ممكن مثال على هالأسعار ؟

[MOON_LIGHT]

أنا قد أشتغلت في محل لبع الكمبيوتر عشان أتعلم ولكن أكثر الأجهزة الي تجينا من نوع مذربورد AMDوتري مجرب الـ AMD
وسال عنة لأني توني شاري جهاز جديد وما ينصح
بوة أأحم آسف بة

[E55]

ممكن نعرف السبب ؟؟؟

أنا جربت الـ AMD وجربت الـ Intel

ممكن اعرف العيوب اللي شفتها في الـ AMD ؟؟

[Miss Internet]

عن المعالجات اللي بسرعة 1 جيجاهرتز ما أعتقد انها موجودة في الأمـارات مثل ما قلت .. والخبراء ينصحون بالتأني عند الشراء .. يمكن المعالجات الجديدة تحتوي على خلل يتعارض معانا نحن مثل الحرارة مثلا ..
فعشان جية أنا بنتظر شوية :)


وعن المسألة الثانية الا وهية تشغيل الكمبيوتر وتركيبة ..
أنا متعلمة تركيب الكمبيوتر بس للأسف ما مارستها بصورة كبيرة
فعشان جيه أنا متخوفة من النتائج :(

أما عن المانيول الخاص بالمذربورد .. فعلى ما أعتقد هو أهم شي
هو اللي يحدد كل شي .. الجامبرس وامكانية الترقية بالنسبة للذاكرة والمعالج فيما اذا كان يقبل التطور لأكثر من نسبة معينة
وفيما اذا كنت ابى أحط 2ٍ سـوكتس للذاكرة .. وغيرها من الأمور التفصيلية

واتعرف الضمان اللي أقصدة يتعلق بالكمبيوتر لو طاح مني مثلا واخترب .. أو يخترب شي عندي من البرامج وتنمسح كل بيانات الكمبيوتر اللي عندي

وأنا وايد مهتمة بسالفة الضمان لأني بقعد ألعب في الكمبيوتر وأفرمته وأستكشف كل شي فية ليين ما يخترب وأستفيد من اللي سويتة وبـعديــــــن أودية يصلحونة

أبى أتعبهم شوية http://www.swalif.net/sforum/images/icons/icon10.gif


وعلى آخر نقطة .. نعم قريت بأن هنـاك فرق في الأسعار من مجلات الكمبيوتر

وتقدر اتشوف مثال بسيط على رخص هذي الأسعار بعنوان
(انخفاض أسعار أجهزة الكمبيوتر الشخصية، يرغم الشركات المصنعة لمحركات الأقراص الصلبة، على إعادة تنظيم إستراتيجيتهم)


http://www.dit.net/arabic/itnews/anews070040.html

[Miss Internet]

أنا مجربة الاثنين .. بس الاحظ ان الـ AMD أسرع وفي نفس الوقت أرخص

وأنا مع الأخ E55 في معرفة شو الأختلاف بينهم .. شو مشكلة المذربورد التابعة للـ AMD ?


وشـكـرا :)

[abbazone]

السلام عليكم اذا كان المشتري يبحث عن الجودة والقوة والسرعة وسهولة الاداء ولديه مبلغ كافي من المال فأنصح بجهاز imac من شركة ابل فهو رائع وقوي بدرجة لا توصف ويمكنك الاطلاع عليه والنظر الى شكله الساحر الذي يكمن في داخله قوة رهيبة