المرسال
28-07-2000, 03:38 PM
من يوم اني صغير وانا احقد على اسرائيل واكرهم .. واحب القدس وفلسطين واتمنى انها تتنصر على اسرائيل .. ويكون هالنصر على يديني أنا ... أو على الاقل اساهم فيه .. ومن اول لعبة الكترونية شريتها كنت اتخيل الاشرار هم الاسرائيلين .. والطيبين هم حنا العرب .. وكنت دايم انتصر على اسرائيل .. وفي كل مرحلة من عمري تتوالى الانتصارات مع تجدد الالعاب .. وصلت لمرحلة الشباب وانا اتمنى اني احقق انتصار على ارض الواقع .. وجتني فرصة المواجهة الكبرى مع اسرائيل .. وجت لحظة المواجهة الفعلية .. كان فيه مباراة كرة قدم بين منتخب نجوم العرب ومتتخب اسرائيل !! ... أنا ماحظيت بشرف اللعب مع نجوم العرب لكن حضرت المباراة وآزرت العرب بكل مااقدر ... وكلمة كل مااقدر تحتمل معاني كثيرة .. كتبت لافتات يعيش العرب ... تسقط اسرائيل ... نشجب .. نستنكر .. لااا للاستيطان .. تسقط امريكـ... واللافتة الاخيرة سحبوها ادارة الملعب ... ومن الملاحظ ان مؤازتي ماكانت مجرد كلام وصراخ في الميدان!! بل تعدت الكلام لحمل اللافتات .. كانت المباراة من طرف واحد فقط .. كان العرب هم الافضل لعب .. وهم الاحسن تنظيم ..متقي ومنسجمين على غير عادتهم... وحققوا فوز تاريخي ماتنساه اسرائيل ... طول الدهر .. طلعت من الملعب وأنا مرفوع الهامة .. ومعتز بعروبتي اللي كانت سبب انتصارنا على اسرائيل ..اللي تعتقد نفسها راح تغلبنا في كل شي ... وماتوقعت ان حنا نغلبها في الكورة ... ونغلب ستين الف من شكلها ... رحت للبيت وانا تعبان .. ادور الراحة .. شغلت التلفزيون وتابعت الاخبار .. (فشل مفاوضات السلام ..) ايييه مايهم جب اللي بعدها (استمرار الحكومة الاسرائيلية في بناء المستوطنات ..) هات اللي بعدها (قتل 10 من جنود المقاومة الفلسطينية ..) اللي بعدها الله يخليك (الاخبار الرياضية) .. الله عليك .. بس اسكتوا لا احد يتكلم خلونا نسمع (فاز منتخب نجوم العرب على منتخب اسرائيل بنتيجة كاسحةوو...) ... الحين الواحد له يفتخر بعروبته ... ويرفع راسه ويقول حنا العرب ...امة كلام ...وأفعال !!!!
نحن قوم اعزنا الله بالاسلام ...
واذا ابتغينا العزة بغيره اذلنا الله ...
نحن قوم اعزنا الله بالاسلام ...
واذا ابتغينا العزة بغيره اذلنا الله ...