السلام امانة .. تصبحون على خييييييييييييييييييييييييييييييييييير !

[حبيب الكل]

الحبيب في منتهى الارهاق ..
السموحة يا احباب ..
؟؟؟؟؟؟؟؟؟؟؟؟؟؟؟؟؟؟؟
اختلاف الراي ؟؟؟
الحبيب !

[شمعة الجلاس]

حبيب الكل
طل وفل

تو الناس

وين موضوعك تروح وتخليه يعنى ..
(مايصصصصصصصصير )

[مراهق]

أنا معك، يا شمعة.. تو الناس!
...
وإذا الحبيب راح ينام، وش رايك نسالف مع بعض؟..
...
عندك سالفة؟! ولاّ أبدأ أنا في السوالف؟!
...

[شمعة الجلاس]

اهلين مراهق

خلاص اذا حبيب الكل راح ينام

تسولف انا
قصدى سولف انت

[مراهق]

على أمرك!
...
سالفة؟ سالفة؟ سالفة؟... صح! خل أقول لك شي صار معاي اليوم في المدرسة!
...
كان عندنا اليوم حصة كيمياء، وكانت هالحصة في المعمل.. فأول ما بدأت الحصة رحنا للمعمل، بس ما حصلنا المدرس!
انتظرنا، انتظرنا، أخيرا جاء المدرس.. وفعلا دخلنا المعمل وشرح المدرس الدرس.. وجلسنا نكتب، وبعضنا كان (يسالف)، بعد المدرس ما طلع من المعمل.
معمل الكيمياء له بابين، باب رئيسي، وباب ثاني خلفي.. فجأة دخل المدرس من الباب الخلفي، طبعا احنا اتفاجأنا، لكن ما في شي مهم.. لكن المدرس بس وصل جنب طاولته قال:
أنا سمعت وأنا داخل واحد (يطبل) على الطاولة، ومخصوم على جميع طلاب الفصل ثلاث درجات...!
ثلاث درجات مرة وحدة، وعلى جميع طلاب الفصل...!، لكنه ما وقف عند كذا، قال:
وأنا مستعد أخلي الفصل كله يرسب، وما تفرق عندي! أنا أدرس فصول كثيرة، وما هي مشكلة بالنسبة لي، لو رسب فصل كامل!
...
حاول واحد من الطلاب يناقشه، لكن هذا الأستاذ لا يعترف بشيء اسمه الحوار أو النقاش!
...
وش رايك يا شمعة، في هالقصة؟!

[شمعة الجلاس]

اكيد ان المدرس ظالم

بس اكيد انه عنده عذر

وما فى شى اسمه مافى حوار ومافى نقاش

بس يمكن كان عنده سبب يخليه يخصم منكم وما يتراجع عن رأيه

وطبعا هو مستحيل يخصم منكم

يمكن اذا هدأ وتحسن وضعه تكتشفون انه ماخصم ولا حاجه

بس كانت ظروفه او وضعه اواى سبب هى اللى خلته يقول اللى قاله

انتم لا تاخذون الموضوع بالشكل هذا

واى يرسبكم

فوضى هى

وحتى لو .. لو بغى يرسبكم مارح يقدر

تطمن يامراهق لاحينقص درجات ولا حيرسب احد منكم
(من هو ولده هو )

[مراهق]

بيني وبينك، هو ما يشرح... يجلس على الكرسي، ويقرأ اللي في الكتاب وبس!
والطلاب مهددين بالرسوب بسببه، بس يقولون إنه ما يشرح عدل لأنه يبغي الطلاب ياخذون عنده دروس خصوصية... واللي شفته، إن الطلاب اللي ياخذون عنده دروس خصوصية لهم درجات خاصة ومعاملة خاصة...
وهذا ما هو أول موقف سيء له مع الطلاب، أمس صار خلاف حاد بينه وبين اثنين من زملائي كاد يوصل للعراك بالأيدي.. لكن ربك ستر!
وطلاب الأعوام الماضية، حاولوا نقله، لكن ما قدروا.. ويقولون إنه مسنود من واحد مهم، وإنه مو داعم موقفه في المدرسة إلا المدير، لأنه مثل ما عرفت.. أحد أعضاء (شلة المدير)!
...
مساكين والله..
إحنا!
...
عندك حل يا شمعة!

[حبيب الكل]

شمعة ..
مراهق ..
كل الحبايب ..
مع السلامة!
القائد العام لقوات مكافحة الشغب و الزعل في الساحات السوالفية المظفر !!
مجبور امشي !
اشوف روحي مب عدل .. تعبان ..
اقبلو تحيات المودة من اخوكم !
مو جاي بكرة لاني باكون تعبان بعد ..
احتمال بعد بكرة الاربعاء المسه ..
باذن الواحد الاحد ..
اشوفكم بالف خير يا اعز ناس ..

[b]<small><small>[ تم تعديل الموضوع بواسطة &nbsp; حبيب الكل &nbsp; يوم &nbsp; 08-11-1999]

[binfaiz]

سلامتك من التعب يا حبيب الكل

------------------
binfaiz@yahoo.com

[شمعة الجلاس]

حبيب الكل يالدلوع

سلامتك من الزعل والتعب

بكره نشوفك انشالله

[المعاند]

حبيب الكل ..
مساك الله بكل خير ..
مرحبا .. شمعه الجلاس
مراهق ... اعتذر لك على ها المداخلة ..لكن اللي تقوله لفت نظري شوي ..
وانصحك انت والطلاب اللي معك تكتبون شكوى لوزارة المعارف وممكن تسيلمها عن طريق احد اولياء الامور ... واسف على مداخلتي