اللي عنده خبره في مجال الكمبيوتر يتفضل ،، سؤال مهم جداً

[شرخشين2000]

السلام عليكم ورحمة الله وبركاته ،،
يا شباب أنا عندي مشكلة في تشغيل الجهاز ،، كلما شغلته وطلعت الدسك توب
تطلع لي ألف رسالة مادري كيف شكها ،، على ما أظن ملفات ناقصة من winstart ،، حتى أحياناً أجلس ربع ساعة هشان أسكّرها ،،
ويطلع لي ملف من الدوس لازم أسكّره بعد ،، والا أدخل فيه واضغط N بعدين يروح لحاله ،، وشهو هالمرض اللي ابتلينا فيه ،،

الرجاء طرح الافكار والاقتراحات اللي ترونها مناسبة

[E55]

عادة تكون هالملفات من مخلفات برامج انت مسحتها ... لكن ما مسحتها بالطريقة السليمة

على العموم ، من الأمر run اكتب msconfig واختار قائمة startup وهناك دور

على الملفات اللي تطلع لك اساميها لما تشغل الجهاز ... وشيل علامة الصح من جدامها

وإذا تبي نصيحتي ... أحسن حل لهالمشكلة هو Format ... :)

[دكتور / مجنون]

نصيحتى .. أنك تركب Windows من جديد لكن مو في نفس المجلد القديم يعنى اذا المجلد القديم c:\windows المجلد الجديد يكون اسمه غير القديم مثل c:\win98

و لازم تركيبين كل البرامج من جديد ، على فكره اذا ركبت Windows جديد لا تنسى تحذف القديم من الكمبيوتر :) .. او Format :)

------------------
خلوني ياجماعه اضحك لحالي***وإن قلتوا يامجنون ياناس مجنون
سبة جنوني واحد كان غـالي***راح وخلاني معذب ومحــزون

[شرخشين2000]

E55 ،، مشكور على هالحل السريع
دكتور خبل ،، أنا ذكـــــ MALE ـــــر ،، ومشكور على هالرد

تحياتـــــي للجميع

[سهران بشعور]

السلام عليكم

انا من رأيي انك تدخل السي دي حق ويندوز 98 وتختار تحديث او نسخ من جديد وبكذا تكون نسخت الوندوز 98 من جديد او بالأحرى انك صلحته .يعني الملفات الناقصه اذا كانت من برناج الوندوز راح ترجع وتصير موجوده ويضبط الشغل اما اذا استمرت المشكلة هذا معناه ان النقص في احد البرامج الأخرى الي تشتغل مع الجهاز ... الي ابي اقولله انك ماراح تخسر شي اذا سويتها قبل ما تسوي فورمات ...
:) هذا انت ما سويتها وفرمت الجهاز .

ولا وش رايكم يا شباب

[FUN_PLANET]

ادخل على الدي وبعدين فولدير اينابيلد وسوي ريانستال

[وردالشمال]

مرحبا :)
.
.
اقول الكمبيوتر للبيع http://www.swalif.net/sforum/images/icons/icon10.gif

[Miss Internet]

أقول يمكن أتفيدك هذي الصورة :) :)

http://moodygirl.homestead.com/files/98booter.gif

[E55]

فعلاً صورة ممتازة

شكراً :)

[Miss Internet]

وتلقى نفس الخطوات في الHelp من قائمة ال Start
اختار الTroubleshooting ثم Windows 98/95 Troubleshooting
Startup and Shutdown وبعدين اختار نوعية الMessages اللي تطلعك وهو يخبرك كيف اتحلها

:) :)

[Miss Internet]

الـعـفـــو :) :)

[أسير الأحزان]

http://www.swalif.net/sforum/showthread.php?threadid=59157

راجع هذا الموضوع واحذف البرامج الموجودة في كمبيوترك

على الطريقة التي ذكرتها في الموضوع وكمبيوترك يرجع أحسن

من أول

[المرشد]

الجماعه ماقصروا..:)

موضوع اسير الاحزان يمكن اكثر شي يفيدك...:)

[نجمة المساء]

حسااافه ييت متأخره
بس اخوي الفورمات احسن شي وركب ملفاتك او برامجك من اول وجديد

[سفير الشوق]

جديدة

[شرخشين2000]

مشكورين يا جماعة