افضل دورة حاليا

[سنـاري]

بسم الله الرحمن الرحيم

احبتي الكرام

السلام عليكم و رحمة الله و بركاته

كل عام و انتو بخير

انا ناوي اخذ دورة في احد علوم الحاسب في احد المعاهد المتخصصة في هذا المجال و المعترف بها من قبل ادارة التعليم الفني و التدريب المهني و ايضا معتمدة شهادتها من قبل اهم الشركات في السعودية مثل سابك و ارامكو

سؤالي حاليا

ماهي الدورة التي تنصحوني بها مع العلم اني خريج Software Engineering

و اكره البرمجة

و فكرت في MCSE - CCNA كخيارات مبدئية


او اي اقتراحات اخرى تقترحونها تدعمني عند التقديم لاي وظيفة داخل او ( خارج ) المملكة

و ماهي المعاهد التي تنصحوني اني التحق بها

و شكرا

[بطران]

و عليكم السلام ...
علوم الحاسب ..
و أنت تكره البرمجه ما تجي

الرأي أن تحاول معرفة هوايتك و المجال اللي تحبه في تخصصك و من ثم تبداء في التفكير بالدورات

[سنـاري]

انا هندسة برمجيات مو علوم حاسب آلي

و تخصصي اكثر شيء في تحليل النظم و اخذت فيها الدبلوم حقي

و ناوي اخذ دورة تدعمني لما اقدم على ارامكو او سابك او في الجبيل بشكل عام

و انا شفت دورات الشبكات و عجبتني

و طبعا عارف اني راح استنير بارآكم و خاصة انت

فايش رايك في CCNA - MCSE

و في البرمجة اهوى شوية في الاوراكل اما السي بلس بلس و الفيجوال و بقية الطقة :headshak: احسها مملة جدا


و ياليت تساعدوني:-)

[EL_3grab]

كل اللي أقدر أفيدك في قسنم الشهادات العلمية .. بمنتدى http://www.arabhardware.net/forum/index.php

وتحياتي :-)

[Vampire]

شهادة CCNA وشهادات سيسكو عموما مرغوبة في سوق الشركات السعودي

لك تحياتي :)

[WRX]

اول شئ ولكم بااااااااك سناري

يا اخي وحشتنا ماودك ترجع ...؟

عموماً ندخل في الجد اول شئ انت بما ان تخصصك يمس البرمجة بقوووة المفروض تكون تدور على شهادات في قريبة من تخصصك....بس بما انك تكره البرمجة ((زي)) انا اقلك اش يبغالك


شوووف اول شئ الشبكات معروفة الـCCNA بس اش مشكلتها؟
مشكلتها ان اي شخخص يفكر انه يأخذ وحدة من هذي الشهدات اول مايجي على باله CCNA صح ولا لا؟؟
يعني مليان ناس معاهم CCNA انت يبغالك الحين تفكر في شئ ثاني يخدمك ويميزك عن الثانين

يعني يا انك تأخذ الـCCNA وتكمل بعدها CCNP الي اعرفه ان الشهادة هذي لوحدها ممكن تأخذ بها راتب في اي شركة ممكن يوصل الى 15 الف ريال ((بالشهادة هذي لوحدها))
اما لو شديت حيلك واخذت CCIE راح تجلس في بيتك وتستنى الشركات الكبيرة تقدم عروضها لك وتشوووف اش الي يسناسك منها , وكله كوووم والرواتب كوم الي راح تأخذها

تبغاني اقلك كم متوسط الرواتب الي تقدر تاخذها بهذي الشهادة ؟؟؟
راح اقلك في امريكا تقدر تأخذ ((متوسط)) 24.000 $ اي بالدولار شهرياً....وترى هنا في السعودي تأخذ اكثر من هذا الملبغ لسبب بسيط.....وهو ان الشهادة هذي مافيه إلا 39 شخص فقط في السعودية عنده هل الشهادة....:blink:


عموماً لا اطول عليك شوووف هذي اللينكات
http://www.cisco.com/web/learning/le3/ccie/certified_ccies/worldwide.html#top
((عدد الي عندهم CCIE على مستوى العالم))

http://www.cisco.com/web/learning/netacad/course_catalog/CCNPFAQ.html
CCNP FAQ

http://www.arabiccbt.com (http://www.arabiccbt.com)
هذا موقع يبيع سي ديات تعليم CCNA بـ750 ريال ....يبقى ارخص من نيو هريزر


ترى لسع ماغلقت....باقي فيه بلاوي :p


الي فووق هذا لو بغيت سسيكو وكنت مصر بس لو تبغى نصيحتي انا اقلك اش الي راح اسوي ((تقدر تقووول اني بديت بالفعل))

اول شئ شوووف الينك هذا ... على فكرة الموقع هذا جاااااااامد ومرة يعجبك
http://certcities.com/editorial/features/story.asp?EditorialsID=86&page=11
شووف اش الشهادة الي ماخذة لقب Hottest Certification بعاً CCIE بس محنا قدها ولا؟:p
وبعدها يجي الـMCSE ماهي عاجبتني مدري ليش عشان كذا نطيت على طوووول على الـRHCE:banana:
هية عن اللينكس وانا توكلت على الله وانشاء الله ناوين عليها انا وواحد من الشباب
بس مشكلتها ان مافيه إلا معهد واحد في السعودية يعطي هذي الشهادة وهو معهد الرمال في الشرقية
وطبعاً بما انه الوحيد في اسعاره $$$ نااااااااااااااااااااار
بالعربي بتكلفك الدراسة عنده حدود 33 الف ريال ((على ماحسبتها عنه)) غير المعيشة وغير.....

عموماً لو نويت عليها قلي وانا اقلك كيف تقدر تاخذها بنص السعر هذا.....



ومعليش حبيبي احمد طولت عليك بس ماقدر قلت لازم انزل كل الي عندي ......الي سائل سناري مو اي احد:p

[xenon]

ما شاء الله عليك يا وركس معلومات بالهبل :D :D
الصلاة على النبي اجل طلعت فاهم والله :D

والله كلامك صحيح مية في المية ال CCNA اي احد يقدر ياخذها
انا عن نفسي بدأت باول مستوى وان شاء الله راح اكمل الى الCCNP

بس برضه الMSCE جيدة وكثير من الشركات تطلب هذه الشهادة مع اني اكره مايكروسوفت لكن احاول اني اخذها وعلى فكرة قبل سنة تقريبا كان في عرض مجاني من مايكروسوفت على دورات معينة تهيئ للحصول على هذه الشهادة

اما الRHCE او الدورة القبعة الحمراء :D
الى الان مادري عن ايش هي اذا ممكن تعطينا فكرة مفصلة عنها

وفي حاجة كمان ايش راسك بال ICDL او شهادة قيادة الحاسب الالي
اعتقد انها بسيطة وغير مكلفة ومع كذا مفيدة

[بطران]

ICDLهذي شهادة بلوم.
يعني تجيب واحد من الشارع و تعطيه إيها يصير يعرف يستخدم الحاسب.
أنا قد أعطيت الدورة هذي لمجموعة من الشباب صراحة مملة جدا.
فخل عنك.

بالنسبة لأشياء اللينكس و الخرابيط الباقية أنا ما أتوقع بأجيبها عدا حقت مايكروسوفت.

بالنسبة لي أبي PMP عسى الله ييسرها إلى الآن كل يوم أقول بكره بأبداء أقراء عنها بس ما فيه وقت

[Mr.Kiady]

ماشاء الله تبارك الله ,,, اجتمعوا الحبايب ,,, :banana:

والله ماعندي سالفه بها الدورات ,,

لكن ومنكم نستفيد ,,,,

[WRX]

السلام عليكم


xenon
هاااااااا اجل يواد اش تحسب:-) لا والله عارف اش الي خلاني ادور ورها
ان معدلي ... زي مايعرفوووا الشباب بقووووة طاااااااااايح فا انا قلت مالك إلا هذي الشهدات على الأقل يكون ليه وجهه اقدم بعدين على الوضائف! ولا؟

بس بالنسبة للـMCSE معرووف ان ماكيروفزت اكبر شركة برمجيات في العالم يعني اكيد بتلاقي وضائف في اي محل...لأ بس ما ادري ليش مادورت على اي شهادة لي مايكروسوف مدري يمكن لنفس سببك:think:

بس يبغالك تحدد اتجاههك من بدري ويندوز ولا لينكس؟؟؟
تبغى ويندوز عندك شهادات مايكروسفت واذا تبغى لينكس عدك الـRHCE طبعاً و الـLINUX +
الحين نجي للـRHCE لي هية ....((دقيقة انت من جد تبغى معلومات مفصلة ولا؟؟؟لأن ترى لو هرجة ماراح اوقف)) عموماً الله يعينك على نفسها جنت براقش:eek: :D

شوووف حبيبي الــRHCE اختصار لجملة RED HAT CERTIFIED ENGINEER والريد هات زي ماتعرف وحدة من اشهر توزيعات لينكس وهية خاصة بالشركات....:-)

طبعاً ماراح تصير بش مهندس كذا في الريد هات من الباب للطاقة لازم اول تأخذ شهادة RHCT الي هية اختصار RED HAT CERTIFIED TECHNICIAN
يعني بالعربي فني ريد هات وفني يعني مصلح :blink: :D

طبعاً عشان تاخذ الدورة لازم تعدي 8 كورسات الواحد عند مهعد الرمال الي قلت لكم عليه فووق يكلف من 3500 الى 8500 ريال هذا غير تكلفت الأختبارات وعليكم بالحساب...

RH033

Introduction to Linux: basic pre-system administration skills

RH131

Basic system administration skills for installation and configuration (RH133 without the RHCT exam)

RH133

Basic system administration skills for installation and configuration; includes the RHCT exam

RH202

The RHCT exam

RH253

Basic network and security administration; requires a basic knowledge of LANs/WANs and TCP/IP

RH300

The crash course plus the RHCE exam

RH301

The crash course without the RHCE exam

RH302

The RHCE exam




شوف هذي الكورسات نسختها لك من كتاب بدري كيف بتطلع بس هذي هية:p

زي ماقلت فوووق الدورة تكلف كثير في السعودية لاكن افضل حل يا انك تأخذها من منازلهم:p وراح تكون بطل لو سويتها لأن الشغلة شوي صعبة
او انك تروح لمصر تأخذها ((ارخص دولة عربية)) وفي الأخير راح يكون عليك تكلفة الـسفر و الدراسة والمعيشة ارخص من لو اخذتها من الشرقية....!

هذا الي في بالي عن هذي الشهادة بس لو عندك ايئلة عنها قوولي وراح احاول اجاوبك
عموماًً انا بديت على خفيف بالـLINUX+ اسهل علي وباين على فكرة انها سهلة مرة وان شاء الله نتوفق فيها....



وزي ماقالك استذنا بطران بعدلي عن الـICDL لأني احسها راح تضرك اكثر ماتنفعك لو قدمتها في الـCV تبعك...

وهذي شوبة لينكات ان شاء الله تنفعكم يا شباب
https://www.redhat.com/training/rhce/rhce_faq.html
https://www.redhat.com/training/rhce/courses/
http://certcities.com/certs/other/cert.asp?ID=24


حبيبي قلبي البطران جمال البروجكت مانجمت مرررررررة حلو وانا يعجبني بس مشكلته اكبر من مستوانا الأن ولا؟:p
عشان كذا مأجلين موضوعها شوي:-) بس لو بغيت نصيحتي حط لك جدول زمني مرتاااااااح على الأخر عشان تبدء ...((دائماً اصعب شئ البداية)) يعني قووول بسم الله خلال الأسبوع هذي راح اغلق الأنترو مثلاُ او شئ زي كذا....ويارب يوفقك يا حبيبي...




Mr.Kiady
يعطيك العافية حبيبي على التثبيت.....وكفاية مرورك عليه :-)

[xenon]

وركس شكرا لك كفيت ووفيت

مع اني ما طلبت منك :blink:
امزح معاك :D

صراحة حمستني عليها افكر اخذها في السنتين الجاية :eek:

بس ياليت تعطيني عنوان المعهد لاي تقول عليه في الشرقية

[WRX]

زيون اش تبغى؟ الكلام الي فوووق اصلاً كله لسناري:eek:
اخخخخخخخخخخ برضوا امزخ معاك:D

عموماً حبيبي ولا يهمك شوووف هذا لينك للمعهد
http://www.linux-sa.com/training/
وهذي الأسعار:sss:
http://www.linux-sa.com/training/training-sch.pdf


بس الخبرية الحلوة الي خلت الشهادة هذي تدخل دماغي صحححححححح الصح...هي

انها اخذت لقب Hottest Certifications for 2006
وشوف اللينك
http://certcities.com/editorial/features/story.asp?EditorialsID=95&page=7

هااااااااااااا كيف شباب يجي نبدء فيها؟:-)

[سنـاري]

انا ابغا اتخصص في المايكروسوفت اما اللينكس ما اعتقد انه شهادتها مرغوبة في سابك و ارامكو هذه الشركات اللي حاط عيني عليها في السعودية

عجبتني فكرة دورات سيسكو بس زي ما قلت كل شيء يعتمد على ايش الشي اللي تدور عليه الشركات اولا

كمان في دورة اسمها ساب سمعتو فيها و لا لا

احتمال ادرسها في الصيف و احتمال الآن

الدورة جدا مهمة

ابغا معلومات وفية عنها لو تكرمتوا

و شكرا لكل من شارك في الموضوع و جزاكم الله خير على اهتمامكم

الله يخليني لكم و لا يحرمكم مني :D :D

[xenon]

يعطيك العافية ياوركس

انا حطيت خطة اني اول شي اتعلم نظام اللينكس بشكل احترافي على خفيف هذا الفصل لاني مو قد كذا فيها
بعدين ادرس متطلبات الاختبارات في السنة الجاية او في الصيف ان شاء الله

طيب عندي كم سؤال لك عن الDATA BASES
يعني بشكل خاص عن ال PHP و SQLو MYSQLو ORACLE
ياليت تعطيني فكرة مختصرة عنها وايش افضل شي ممكن ابدأ فيه في هذا المجال
خاصة انه عندي هذا الترم مادةDATA STRUCTURE

وصراحة انا نفسي (اكفش) قواعد البيانات :D

[Dr cars]

أخي سناري أنا مثلك تماما مبرمج و لكني أكره البرمجة و أحب الشبكات

بالنسبة لك يا أخ أنصحك بالتالي:


أهم شهادة على الإطلاق في معظم الدول هي الMCSE و هي مفيدة جدا طويلة لكن ليست صعبة.

شهادات ال Cisco روعة و لكن ليست مفيدة إلا إذا عملت لدى موفر لشبكة الإنترنيت و حتكون مجرد إسم يضاف إلى سجلك العلمي.

إذا معلوماتك عن الكمبيوتر ليست قوية إبدأ بال +A و هي عبارة عن قسمين:

- قسم الهاردوير.
-قسم السوفت وير.

بالنسبة للقواعد البيانات فإدرس أوراكل لأنها جدا قوية و مطلوبة.

أخيرا إذا أردت تحترف الشبكات لازم تفهم اللينوكس و اليونكس و لو معرفة سطحية.


هذه نصائح أخ مجرب و إن شاء الله نكون فدناك :-)

[WRX]

السلام عليكم

حيوووو سناااري حبيب قلبي..
والله عيوني مدري ليش معي من لينكس مع ان كل العالم الحين متجهين له:m:
حتى ارامكو قبل فترة شفت في موقعهم طالبين ناس عندهم شهادة CCNA وناس ثانيين عندهم شهادات لينكس ((ما اتذكر اللشهادة بالضبط))

عموماً بكيفك بس شوووف اللينك هذا
http://certcities.com/certs/other/
مجمع فيه كل الشهاادات تقريباً وكل وحدة معها معلومات عنها...شووف بنفسك

وقلنا على قرارك الأخير...:p



زينون حبيبب قلبي...
شوووف ترى حتى انا محد عندك بالينكس بس عاد انا اش قلت بأبدء بالينكس+ مع واحد من الشباب وأحاول اخذها
يعني منها اتعلم من كتاب تبع لينكس+ ومنها اجهز نفسي للأختبار...
وغير كذا انا حاسس لو اخذت اول شهادة راح اطبق المثل العربي المشهور : لما تفك ما حتسك:D
فا عشان كذا بأبدء بحاجة خفيفة بالأول...



وعلى فكرة ترى انا اخر واحد ممكن تسأله عن البرمجة بس بأقلك الي اعرفه والباقي سامحني فيه :(

شوف اول شئ لـSQL الي اعرفه انه اساس لكل لغات التعامل مع قواعد بيانات يعني تقدر تستخدمها مع اي لغة برمجة ثانية ((على فكرة انا متاكد من الكلام هذا بس واحد قلي:think: ))ومدري ليش كل ماتبغى تتعلم وحدة من هل اللغات يقولون لك مرة خذ اس كيو ال اول:think:

اما الـMYSQL فهي برضوا لغة برمجة لقواعد البينات بس ماتقدر تتعامل إلا مع نفسها يعني لمن تتعلمها تقدر تتحكم في قواعد بيانات ماي اس كيو ال... بس ليش دائماً يستخدمونها في المواقع ما ادري:m: يمكن لأنها ببلاش:think:
ودائماً يستخدمون معاها الPHP للتصميم الواجهات لانك تقدر تتعامل مع قواعد بينانات اس كيو ال عن طريق البي اتش بي عكس الـHTML يعني خذ عندك المنتدى كامثال عندك لمن تدخل تسجل فيه تلاقي فوورم تحط فيه بياناتك صح؟
الفورم هذا مصمم بالبي اتش بي بس لمن يجي الموقع يخزن بينانت يستخدم الـMYSQL
اتمنى انك فهمتني...:p لأن عارف شرحي زي وجهي:(

اما النوع الاخير وهي الأوراكل فهمي برضوا لغة لقواعد البيانات ...((جبت شئ جديد ترى)):m:
بس الفرق عن كل الي فوووق ان فيه تحكم اكبر وتقبل كمية بيانات ضخمممممممممممممممممممممممة
وغير كذا واهم من هذا كله امن يعني تقدر مثلاُ تحط باسوورد عليها كاملة او جزء منها
او مثلاُ تسوي مستخدمين وكل مستخدم له صلاحياته
واشياء ثانية كثييييييييييييييييييير عشان كذا اي شركة كبيرة او دائرة حكومية ماتستخدم إلا اوراكل و ومستحيل تلاقيها تستخدم وحدة من الأنواع الي فوووق

وبس....:p هذا كل الي اعرفه عنهم....وياليت لو احد قراء شئ غلط يصحح ليه لأن اغلبها معلومات من هنا ومن هناك :-)


على فكرة كأني سمعت ان مادة داتا ستركشر حاجة غير كذا بقووووووووووووووة
بس يالله سيدكو ولا كيادي يفيدنا:think:

[سنـاري]

اهليين بالمهندس ابو ضحكة جنان دكتور كارز .... فاكر الضحكة و لا لا :cool:

+A

من احلى المواد اللي درستها و كتابها جدا ممتع

و هو من الكتب النادرة اللي اشتريتها اصلية

تصدق انه CCNA - MCSE

درستها كمواد عادية يعني 3 اشهر كل وحدة بس ما اخذت عليها تمام

و ناوي اعيد دراستهم بشكل مفصل

اهم شيء عندي الشركة اللي ابغاها ايش تحتاج

لانه بصراحة انا ماني بارع في البرمجة زي مو شهادتي تقول بس احب تحليل النظم و الشبكات و حتى الادارة و الاقتصاد و كل حاجة ما عدا البرمجة

----

الموقع اللي اعطيتني هوا ممتاز جدا يا وركس

و زي ما قلت لك انا ما عندي مانع ادرس اي حاجة لينكس يونكس ان شاء الله فورتران و لا حتى نوفل

لكن على العموم انا بسأل اكثر و راح اتواصل معاكم هنا

بالنسبة لك اخوي زينون

الاوراكل مافي زيها

احترف فيها و حتجي الشركات الين عندك على قول وركس

انا درستها مرتين في الجامعة

صراحة انا اشفها احلى حاجة في البرمجة

مرة ارتحت لها و حبيتها :D

[بطران]

السلام عليكم ..
يوم و را يوم ,,و أحبكم أكثر
مدري وشلون صايرين تعرفون أشياء خطيرة و تجهلون أهم الأساسيات ( أو الشهورات)
أنا مستحي أطول في الكلام لأن ... نبداء بسرعه:
أولا زي ما قال سناري, الطلب على شهادات مايكروسوفت أكبر لأنها أكثر إنتشار و تطبيقا.
طبعا هذا أدى إلى أرتفاع أجور خبراء اللينكس خاثة إن الشركات الكبيرة لابد أن تستخدم على الأقل سيرفر واحد للينكس ليقوم بخدمة نشاطاتها, و بعضهم يضع عليه قواعد البيانات.
بينما الويندوز يستخدم للإستضافة و للبريد, ولتبادل البيانات و غيرها من الإستخدامات.

Hottest Certifications
هذا شيء صحيح لكن لا ينطبق عندنا, التوجه عندنا للينكس بطيء بسبب قلة الدعم, لكن الكثير يستخدمون Solaris أو منصات أخرى تكون مبينة على اليونكس.

بالنسبة للشركات الكبيرة أرجع أقول لك ياسناري يا حبيبي هم يحتاجون الجميع لكن بكميات مختلفة, وبعدين للمعومية و لا أضن أنه يخفاك إن الشركات الكبيرة ما تقدر الموظفين دون خبرات لأنها تعرف إنه جاي يتعلم.

بالمناسبة SAP
System Application Product
طبعا هذا الاسم الطويل موجود بصيغ مختلفة المعنى هو:
الساب نظام يوفر لك القدرة على عمل ربط البرامج ببعضها مع قواعد البيانات المختلفة و غالبا يستخدم في الشركات ذات النظم الكبيرة و المتداخلة و المعقدة في الوقت نفسه لتوفر لهم القدرة على موافقة الحلول التقنية مع بعضها بسهولة نسبية.
في أرامكو يستخدمون الساب و على حد علمي قبل سنتين كان فيه حاجة عارمة لخبراء في النظام.

======
طيب عندي كم سؤال لك عن الDATA BASES
يعني بشكل خاص عن ال PHP و SQLو MYSQLو ORACLE
======
بالمناسبة من كل الأمثلة اللي أنت ذكرتها أوراكل و MySql تسمى قواعد بينات الباقي كيف الحال.

PHP
Personal Home Page. Advanced scripting language for site design
يعني تعلمها في حالة بغيت يكون عندك قدرة على إنشاء تطبيقات متوسطة و بسيطة على الإنترنت.


SQL
SQL (Structured Query Language) is a standard interactive and programming language for getting information from and updating a database. Although SQL is both an ANSI and an ISO standard, many database products support SQL with proprietary extensions to the standard language. Queries take the form of a command language that lets you select, insert, update, find out the location of data, and so forth. There is also a programming interface.
يعني تتعلمها لتعرف كيف ترتبط و تتعامل مع قواعد البيانات


طبعا اللي فوق من النت علشان تتثقف ما ودي أختصر عليك و أكتب لأنه بيأخذ مني وقت للكتابة.

بالنسبة لقواعد البيانات الفرق بينها يكمن في السعة, السرعة, الأمان, الخصائص اللتي توفرها لإدارتها
مثلا MySql تستخدم في الإستخدامات الصغيرة أو المتوسطة.
لكن حينما تتكلم عن بينات تخزن بمساحات تزيد عن الـ T.B و الجدول الواحد فيها قد يحتوي على عدد من الـ G.B فهذا شيء يستحيل تتحمله قواعد البيانات العادية

بالمناسبة في أنواع كثيرة من قواعد البيانات الكبيره مثل DB2 و أشياء أخرى

مادةDATA STRUCTURE
مالها أي علاقة بالكلام اللي أنت قاعد تقوله. هي مادة تتكلم عن حلول و طرق تنظيم البيانات.
يعني حينما يقوم المبرمج بإقتراح حل لمشكلة معينة, جزء كبير من فاعلية و قوة الحل تكمن في تنظيم البيانات بطريقة تكون مناسبة للحل المقترح.

مثلاً
برنامج يقوم بطلب معلومات الطلب و القيام ببعض العمليات عليها و من ثم عرضها؟
أي تركيب بيانات ممكن تستخدم ( تركيب البيانات هو تعريب Data Structure)
فيه واحد بيقول نستخدم متغيرات لطب المعلومة و من ثم نكتبها كلها على مبف بعدين نبداء ناخذ المعلومات من الملفو نسوي المعالجة.
فيه واحد بيقول ناخذها و نخزنها في مصفوفة أو مصفوفات بعدين نسوي المعالجة
فيه واحد بيقترح إنشاء structre للبيانات و من ثم العمل عليه في مصفوفة واحدة.

طبعاً الحل الصح واضح للجميع ؟؟؟


هذا اللي قدرني الله عليه

تحيتي, بطران

[WRX]

السلام عليكم

معليش على التاخير بالرد:(


الموقع اللي اعطيتني هوا ممتاز جدا يا وركس

و زي ما قلت لك انا ما عندي مانع ادرس اي حاجة لينكس يونكس ان شاء الله فورتران و لا حتى نوفل

لكن على العموم انا بسأل اكثر و راح اتواصل معاكم هنا


احسن شئ تسوية انك تسئل في كل محل قبل لا تتوكل على الله وتقرر في ايش بتدخل...عموماً شوووف هذا كتاب في المرفقات مترجم يمكن ينفعك بس على فكرة اليوم نزلتة يعني لس ماقريته...:m:




البطران
الف الف الف شكر استاذنا على معلومات الحلوة الخطيييييييييييييييرة هذي وعلى فكرة كلنا هنا نحبك كمان:-)
مع اني مارسيت على بر بالنسبة للأول جزئة قلتها ((حلوة جزئية هذي:D ))
يعني في البداية قلت اننا متاجهلين شهادات مايكرووسفت في الموضوع وفي نفس الوقت قلت انها مطلوبة وفيه ناس كثير مأخذينها.....ورجعت قلت ان رواتب خبراء لينكس مرتفعه ...
يعني الحين اش رايك الواحد يدور ورى الحل الأسهل و الأكثر وضائف ولا يروووح للينكس؟؟:think:



ترى بديت اتلخبط شوي معليش :p

على فكرة بالنسبة Hottest Certifications
تقدر تقووول انه المرجع الوحيد الي لنا ولا؟ عشان كذا مايمنع نشوووف اش الي شغال الحين ولا؟:p



DATA STRUCTURE
يساااااتر منها طلعت نازلتلي في الجدول وانا ماني داري.....!:blink:
يالله يجي نذاكر انا وزينون سواء...:D
ومشكور برضوا على توضيح المادة قد قلنا على فكرة الدكتور العام فكرة عن المادة بس للشهادة مافهمت منه زي مافهمت من شرحك هذا....:p


ويالله يعطيك العافية حبيبي على مجهوووداتك معاانا..:-)

[بطران]

السلام عليكم ...
بالنسبة للشهادات.

يا حبايبي الشهادة مهيب كل شيء, يعني بالنسبة لي أفضل شخص عنده خبرة على شخص معه شهادة.
فيه قبل فترة موضوع حلو لكاتب أمريكي يتكلم عن طلاب الحاسب الآلي بدور لكم عليه.

بعدين زي ما قلت لسناري, أهم شيء يكون موضوع الدورة شيء أنت تحبه و تحس إنك ممكن تتحمس معه و تتطور بواسطته.

بالنسبة للخيار بين الشهادات صدقني ما أحد ممكن يفيدك أكثر من نفسك, لازم تعرف وش تبي تصير و بالتالي تحدد وش الشهادة المناسبة.

تحياتي, بطران

[مشراق]

صراحه اعجبني طرحكم لدورات والخبرات عندكم وشجعني لسؤال اذا طالبة متخرجه لغة انجليزية بكالوريوس ولا تعرف شي بالحاسب وتبي توظف في بنك او اي جهه تناسب وضعها ايش تنصحونا تبدا فيه بالحاسب ممكن تساعدها في الحصول على وظيفه تناسبها مثل في بنك او اي جهه ما فيها اختطلاط ..........
والله يوفق الجميع على مداخلاتهم الرائعه الي عرفتنا باشياء ما كنا نعرفها :-)

[بطران]

ICDL
هذي شهادة تعد كافية لإثبات قدرتك على استخدام تطبيقات الحاسب الآلي عالميا.
لكن السؤال الهام هل تؤهلك للحصول على وظيفة؟
هذا يعتمد بحد كبير على التوفيق و مدى ثقافة أصحاب العمل و متطلبات الوظيفة.
ممكن تقرين عن ICDL فيه كتب كثير بالعربي عنها.

يبدو من كلامك أنك تعيشين في المملكة, هذا يعني أن تظيفي إلى ما سبق بعضا من الواسطة أو دعاء الوالدين و الله المستعان.

فيه شهادات الـ MBA (Master in Buisness Adminstration)s ولكن هالشاهدات تعد بمثابة الـ Master Degree و تضمن بإذن الله وظيفة براتب محترم لدى الكثير من المؤسسات الكبيرة و المتوسطة و البنوك, مشكلتها أنها تحتاج إلى خبرة نوعا ما ليستفيد الإنسان من محتواها.
و للأسف ما أدري عن توفرها في المملكة و نوعية تقديمها.

تحياتي,بطران

[WRX]

استاذي البطران...:-)

الف شكر لك على نصيحتك الغالية وبالفعل انا موافق على كلامك 100% بس الشهادة ابغها كا مقياس خبرة بعد ما اتخرج لأن يمكن هية الطريقة الوحيدة اني الاقي فيها وضيفة محترمة:(

عموماً بعد كلامك هذا انا قررت كم قرار كذا حلوين وان شاء الله اقدر انفذها..:(




اختي مشراق
انتي كأنك تقووولين بكلامك هذا اني ابغى شهادة ICDL
الشهادة هذي بسيطة وحلوة وخفيفة وضريفة

النصيحة تشتري كمبيوتر حااااااالاً وتبدء تشتغل عليه
وفي اقرب فرصة تدخل دورة تاههلها تاخذ شهادة ICDL ((المعاهد الي تديها اكثر من الرز))

وبس....:p

[WRX]

اسف ولاكن شفت رد استاذذنا متأخر

ولاكن الحمد لله ان طلع رأينا واحد ولا:p

[بطران]

http://www.joelonsoftware.com/articles/CollegeAdvice.html
check the link above

[Mr.Kiady]

شكرا شيخ بطران على جويل :

Learn how to write before graduating.
2. Learn C before graduating.
3. Learn microeconomics before graduating.
4. Don't blow off non-CS classes just because they're boring.
5. Take programming-intensive courses.
6. Stop worrying about all the jobs going to India.
7. No matter what you do, get a good summer internship.

رقم 6 حرررركه :D

[WRX]

يعطيك العافية حبيبي على اللينك...!

[بطران]

أبو خليل ...
خل عنك ترى رقم 6 مهيب نكته.
نصف الأوادم اللي عندنا بالشركة هنود ...يعني لا تحقرهم.

بعدين إيش سالفة شيخ هذي !! $)

[مشراق]

مشكور اخوي بطران و اخونا WRX نكملها ونزودها معكم شويه :-) ما هو افضل معهد حاسب بالرياض من حيث الاداء في التدريب وله سمعته عند اصحاب القرار الوظيفي خاص بالنساء ممكن يكون فيه المدربات بفعاليه مو شهاده وبس

[سنـاري]

سمعت في اعلان في البترول و المعادن يعطوا شهادة الماجستير في MBA في سنتين

في جامعات ثانية تعطيها في سنة

بالنسبة لي قررت اخذ التوفل بدرجة عالية اول شيء بعدين اتفرغ للدورات

بالمناسبة

ايش المعدل المعقول في اختبار التوفل

[سنـاري]

تصدق يا وركس

انا فكرتي زي فكرتك

معدلي تعبان في الجامعة و ابغا ادعمه بشهادات اضافية

على الله نلاقي وظيفة :help:

[WRX]

السلام عليكم

نصف الأوادم اللي عندنا بالشركة هنود ...يعني لا تحقرهم
اخخخخخخخخخ والله صادق ... تصدق فيه واحد عندة شهادة CCIE يشتغل في ارامكو وماني قايلك كم راتبه في الشهر بس اضمن لك انه اكثر من ما تتصور بكثيييير!:damp:


مشكور اخوي بطران و اخونا WRX نكملها ونزودها معكم شويه :-) ما هو افضل معهد حاسب بالرياض من حيث الاداء في التدريب وله سمعته عند اصحاب القرار الوظيفي خاص بالنساء ممكن يكون فيه المدربات بفعاليه مو شهاده وبس

والله للأسف انا ما اقدر اخدمكي في موضوع المعاهد لاني اصلاً ماني في الرياض ولا ادري عنها ...بس عندنا نادي الحاسب الألي يقدم هذي الدورة ....مدري اذا فيه قسم نسائي عندكم ولا لا؟ مشرفنا مدري اذا عندك خلفيه عن الموضوع؟؟:rolleyes:


سناااري حبيبي القلوب عند بعضها...:rolleyes: بس الله يستر ومايطلع تعبنا على فشوش بعدين!

على فكرة شووف مننتدى دي في دي فور عرب عندهم فايلات خطيييييييييرة عن التوفل...تنفعك اذا عزمت

[سنـاري]

شباب مين يعرف عن الايلتس و ايش هيا

و ايضا دورات SAP

و ياليت يا وركس تعطيني المعلومات حقت موقع ديفيدي العرب هذه خلينا نستفيد

[كـيـمـو]

السلام عليكم ورحمة الله وبركاته

كيفكم يا طائفة بني حاسب ان شاء الله بخير

http://dm3ty.net/uploader/uploads/182844.gif

حبيت اضيف هذا النص بخصوص ال CCAN أكاديمية الشبكات Cisco Networking ..

بحيث يستفيد القارئ أكثر ويكون هذا الموضوع بمثابة مرجع للجميع اوتنمى التواصل بطرح اراء اكثر وافضل .

أكاديمية الشبكات Cisco Networking
في السنوات الاخيره حصلت قفزه كبيره في عالم تكنولوجيا المعلومات واعتمدت العديد من المؤسسات والشركات في وطننا العربي علي تكنولوجيا المعلومات بشكل كبير. مما فتح الباب لوظائف تكنولوجيا المعلومات والتي تتطلب كوادر مؤهلة وقادرة علي التعالم مع عالم تكنولوجيا المعلومات بفروعه المتعددة.
وظهر الاهتمام الشديد بالشهادات المتخصصة من قبل الشركات في الشرق الأوسط وهو ما جعل العديد من الشباب التوجه إلى الحصول علي هذه الشهادات المتخصصة وبشكل غير مدروس رغبة منهم في الحصول علي فرصة عمل في هذا العالم الناشئ في وطننا العربي.

ومع التسابق المحموم في الحصول علي الشهادات العلمية تاه الكثيرين مع كثرة الشهادات
دعوني أتكلم في هذا الموضوع عن شهادات احد فروع تكنولوجيا المعلومات الأساسية ... أولا وهو عالم الشبكات.
بالنسبة للشهادات العلمية المتعلقة بالشبكات .... فهي كثيرة .... يا تري أي شهادة تحتاج إليها لتصبح مدير شبكات محترف ومرغوب به في عالمنا العربي .... واسمحوا لي علي كثرة ترديد جملة عالمنا العربي لان مقاييس سوق العمل عندنا مختلفة كثيرا جدا عن مقاييس سوق العمل بالخارج. ولذلك فانا سأتحدث عن ما يتوافق وسوق العمل في العالم العربي تحديدا من واقع خبرتي المتواضعة في هذا المجال إما إذا كنت مصمما علي الوصول إلي وظيفة "مهندس شبكات" أو " مدير شبكة" " أخصائي شبكات " "مصمم شبكات " فهي ليست مؤثرة كثيرا في هذا الاتجاه.
البداية الصحيحة والفعالة هي CCNA شهادة هندسة شبكات اتصالات من شركة سيسكو العالمية ....
بالتأكيد هذه هي أفضل بداية ... وهي شهادة شهيرة وتعتبر ثالث الشهادات العالمية في مجال الشبكات,وهي مطلوبة كشهادة أساسيه لأي كادر وظيفي في أي مؤسسة صغرت أو كبرت في الشرق الأوسط. هي البداية الرائعة لعالم الشبكات.
هذه الشهادة ليست بالسهلة في عدد امتحاناتها .... فبدأ بها وإياك الاستسهال وتضييع وقتك في الشهادات الأخرى كما ذكرت.
معلومات هامة:
يوجد في بعض مراكز التدريب تعطي دورة CCNA وتسمى بالCCNA فهذه ليست شهادة تخصصية بل إنها تعطى لمن يريد تقوية معلوماته في الدراسة الأكاديمية ولمن يريد أخذ معلومات عن الشبكات وهي ليست جديرة للمبتدئين علماًَ بأن مدة دراستها 40 ساعة..

***********************************

معلومات حول أكاديمية الشبكات Cisco Networking ..
أولا مدة الدراسة 6 أشهر أكاديمي.
ثانياً دراسة نظرية
ثالثاً دراسة تطبيقية على أجهزة Cisco مثل الراوتر والسويتش والكيابل وجميع متطلبات التدريب في معامل خاصة بهذا الشأن في الLAP
ثالثاً يحصل المتدرب على سيدي به المنهج المطلوب دراسته.
رابعاً يحصل المتدرب على يوزر وباس ورد خاص به بموقع الشركة الأم سيسكو
خامساً بعد إجتياز كل دورة يحصل الطالب على شهادة من مركز التدريب بالإضافة إلى الشهادة الأساسية من نفس الشركة.
سادساً بعد إجتياز الإمتحانات الأربعة يؤهلك مركز التدريب إلى Exam CCNA النهائي لتحصل على البطاقة الخاصة بالدورة من الشركة الأم.

متطلبات الدروة
أولا معرفة جزئية بالحاسب الآلي.
ثانياً إلمام بسيط باللغة الإنجليزية.
ثالثاً الإلتزام بالحظور والإنصراف وملازمة المذاكرة.

الرياض
أكاديمية سيسكو Cisco Academe
تحت إشراف مدرسين خاصين بتدريس هذه الدورة ومعتمدين من شركة سيسكو العالمية.
للاستفسار :

مركز التدريب 014505916
عبدالرحمن - 0569161870
مهندس عماد -0502154361
مهندس مسعد -0508950324

Email
Design-er1@hotmail.com

[سنـاري]

شكرا اخوي كيمو

استفدت من مشاركاتكم في هذا الموضوع جدا

والله يعطيكم العافية

[WRX]

يؤيؤيؤيؤ


معليييييييييييييش يا اخ كيمو دوبني انتبه لردك:(


الفففففففففففففففف شكر على المعلومات الخطيرة هذي:banana:



سناري هااااااااا اش قررت؟