زمردة
11-12-2002, 04:05 AM
آآآآآآآآآه يــــــــا مرور الريــــاض
>مرور الرياض وما أدراك ما مرووووور الرياض
>من جد آآآآآآآآآه من كل قلب
><<= عاصبتن راسه وماسكته بعد
>تصدقون عاد اني كل ماذكرت هالمرور وغثاه جتني الزويعة وجاني المررر كله .. واني ما اتمنى الا اني اطقلي خيمتن بوسط الربع الخالي (( عاد كوده يجين آخر الفرسان)) ..المهم اني ودي اطقلي هالخيمة منها ادور لي على بير بترول متوزين منا والا منا ، ومنها ابعد عن هالمرور وبلاويه الي انا اتخيل انه أسوء مرور بالسعودية كلها ..لالالا وش سعوديته الا قولو بدول الخليج كلها .. وش دول خليجه الا بالعالم العربي كله .. وش عالم عربيه بعد ، الا بدول الشرق الأوسط كلها
>ألامرور الريــــــاض أسوء مرور بالعــــــــــالم كله
>الحين أنا ودي أحتسي وأطلع الي بقليبي كله .. والله انكم لو بتفتحون البطين الأيمن والأيسر حقي والا الأذين الأيمن والأيسر .. ان تلقوووووونهن مليانااااااااات هم وغثى من هالمرور
>الحين البنيات ينبسطن لا بغن يروحن والا يجن .. وأنا ماغير اتحلطم واهوش أي واحد اشوفه بخشتي .. بعذري والله موهب مني الا من هالمرور
>يعني ان انثبرنا بهالبيوت حامت تسبودنا وقمنا نهوش ونتحلطم .. وان هجهجنا بهالشوارع حامت تسبودنا زود وجانا السكر والضغط .. ولما نرجع ناخذ لنا كم تهزيئة عالماشي .. وراتس تأخرتي يا السوري .. ووش هالمكان الي فاتح لهالحزة و.... و ..... وآآآآآآآه بس
>(( ايــــــــــــــه تلقيــــــنها بالجنة ان شا الله يا السوري ))
>الحين هاللي يهوشون ويتحلطمون ما يطلعون بهالشوارع ويشوفون هالزحماااات
>وهي وقفت على هالزحماااااات بس.. وش أقول ووش أخلي
>قولو زحمات الاشارات وش نسوي بهن الشكوى لله عاد بس الطرق السريعة ليييش؟؟
> أنا أموووت وأعرف ليش هالزحمات بالهايويهااااااااااااااات ؟؟ لييييش يا ربي
>تصدقون انه طموحي بهالحياة اني اشوف طريق الملك فهد والا طريق مكة فاضي
><<= امحق من طموح
>قسما بالله ماعمري شفت طريق الملك فهد فاضي الا لاصرت توي راجعتن من عرس .. صرت احرص اروح للعروس موهب عشان العرس نفسه .. لا والله بس عشان اشوف طريق الملك فهد فاضي وامتع ناظري بوه ( ناظري وبوه )<<= سبحان الي وفق بينهن
>والله العظيم انه هااااااااي وييييي ولا فيه ولا اشارة .. وشوله هالتزيحم والبريكات ودق الاشارة .. خلاص كل واحد يمسك دربه وينااام
>عاد ما يرتفع ضغطك زود الا لا صار السواق الي قدامك عليمي ومتبختر بوسط الشارع وياما راح يمييييييين وياما جا يسااااااار .. شارع ابووووووه هو وانا مدري
>والا عاد لا صار حادث الله يكافينا الشر واجتمعو هالعالم .. انا ابي اعرف وشوووله هالتجمعات ؟؟ يعني يقالهم بيسعفونهم هم وخششهم ؟؟ والا وش سنعهم ؟ لا ومن زوود الملح تلقونهم متأثرين وماسكين روووسهم وما تسمع الا (( شف سعيدااااان ناااااااظر ناااااااااااااااظر .. يوووووه يا اللللللله .. شف ناااااااظر الدم وشلون قايل .. يووووووه ياربيييييييه .. تهقى هذا يحيى والا يموت )) الحين انتم وش دخلكم بيحيى والا يمووووووت هو؟؟ .. والا هذي الوطنية وعمايلها .. بعدي والله .. بس عاد لاصار الي مسوي الحادث هندي والا حسنين والا ابو شكييييم (( عاد مالقيت لكم شين يصلح للسوري )) والا ميشوو وشوووووووله تتجمعوووووون .. والا اخوانكم بالاسلام بعد.. ياحليلكم والله
> المهم اني اسمع هالهرج <= يقالتس الحين 24 ساعة واقفتن تتفجرين على الحوادث
>تراني سواقة اسعاف بس لحد يدري
>المهم اني اسمع هالهرج وأقول اشوى كودهم يتعلمون ويفكوننا من هالسرعة ويتوبون من هالمساقط الي ماغير يفزع بقلب اميمتي يا بعد الدنيا ..والله ان أميمتي كل ماسقطت سيارة علينا والا شافت سيارة تساقط فز قليبه يحول وماغير تقبص باللي جنبه .. ودايما انا الي جنبه .. والله اني بقعت زرقا
>
>خلاص تكفوووووون لحد يساقط صرت علم هلالي ، ذاك اليوم جايني اخوي ويبي يستلفني يشجع فيني
>نجي عااااااااااااااااد للطااااااامة الكبرى .. والي ما ترفع الضغط وبس الا تفقع المرارة والمصران الأعور بعد .. وش تفقع مرارتي .. الا تجيب لي السكتة القلبية .. بس مابعد فطست هع هع هع .. بالله عليكم كل واحد يجيب ورقة وقلم ويكتبلي تعبير عن شعوره لما يشوف شاحنة متربعة بوسط طريق الملك فهد ..والا طريق مكة .. والا بوسط طريق خريص وياااااااااكثرهن .. والا بوسط الدائري
>أنا أبي أعرف هالشاحنااااااااااات وش يجيبهن بأوقات الذروة (( يمديكم عالذروة )) صدتز عاد هالشاحناااااات وش يجيبهن الساعة خمس العصر والا سبع المغرب والا عشر بالليل؟؟ .. والله مابهذلنا وبهذل المرور بالرياض الا هن .. تجيييك الوحدة منهن (( الي هن الشاحنات)) وتتربع لي بوسط الشارع وماغير تملي سياراتنا وسيارات خلق الله ديزل .. لا ولا اردى منهن الا سواقينهن ياعلييييييييهم أشكااااال وطبااايع بعد مدري من وين جايبينهم (( أعقل واحد فيهم سكران )) .. لا ومن زود الملح حتى حقين الشاحنات يساقطووووون .. عاد السيارات الصغيرة لا ساقطت قامت امي تقبصن من الروعة ..تهقون لا شافت شاحنة تساقط وش بتسوي بي
>ما أقول الا لا اله الا الله بس
>والا وين الشرطة عن هالشاحنات .. ياحليلي قلت شرطة .. من جد شرطتنا ..... مدري وش أقول قسما بالله .. مير شعارها هالسنة صاير (( البقاء للأقوى )) والا المفروض اول ما تشوف هالشاحنات تصكها بقسيمة لاراحت ولا جت .. والا بس جيدين بسواقين العوايل يحووول << يقاله سواق عيلة بريئ
>بس بالله عليكم وش رايكم بشرطتنا .. على كثرهم ما منهم نفع .. تدرون اشترو دفتر ابو اربعين عشان ابكتبكم تعبير ثاني .. كل واحدن منكم يكتب لي تعبير عن شرطة الرياض
>وعشان تعرفون ان الشرطة عندنا الله بالخير .. شوفو هالبزارين الي يسوقون السيارات .. مير صارو اكثر من الي معهم رخص قيادة .. أجل فيه واحد طوله شبر ونص ويمسك سيارة .. ولا أحد قايل له وين أنت رايح ؟؟ ويييييييين حنا فيه .. يا الله انبسطو ياحقين المخدات سوقكم بيمشي .. الا عاد لا صحت الشرطة من النوم الي هي فيه فقولو عليكم السلام
>تدرون عاد الشرهة مهب على هالشرطة .. الشرطي بعد يحول يخاف يمسكله واحد ويروح فيها .. الشرهة على هالأهالي الي يمسكون عيالهم سيارات وهم مابعد فطموهم عن الرضاعة .. والا هالأم الي مخليه وليده يسوق ويحوس بهالشوارع ولا تدري عنه .. وين قليبه هذي ؟؟
>نجي عااااااااااااااااد للي يجيبن الصمرقع صدتز والي خلى سكرنا يصك الالف .. وليته على السكر والضغط بس .. الا جابن لنا الربو .. وسببن بنشر السرطان الله يكافينا شره .. وهن هالسيارات الي الوحدة منهن مدري وش تبي من جد .. صدتز تحس انها حديدة واربع كفرات وبس .. لا وسواق هالسيارة الي انا ابصم لكم انها مصنوعة بالقرن المدري كم قبل الميلاد .. المهم تلقون سواق هالسيارة مشخصصصص ومتشمبط بهالدركسووووووووووون تقولون سايقن له طيارة ..وهي الله واعلم بس ماغير تكوووووح علينا من هالديزل وبس .. وصخن سياراتنا .. وسببن أمراض سرطان الرية والتسبد .. ما أقول الا حسبي الله .. ولا يقهرن زووود الا لاشفت مثل هالسيارة متبخترة بوسط شارع عااام ولاهي الي رايحة يمين ولا يسار .. الحين هالسيارات الي ياحسافة اسم سيارة عليها وش يجيبهن بوسط الشارع العام ؟؟ والا زود بلى وهم وبس
>والله لو اني ابكتب عن أسباب شوارع زحمة هالرياض ان تسان خلص حبر هالهوتميل كله .. مير الشكوى لله هذي رياضنا وهذي ديرتنا الله لايخلينا منه بس قولو آمين
>وعشان هذي رياضنا ومثلكم خابر هي عاصمة الثقافة .. ولا عندكم أثقف مني
>(( فاصل اعلاني : فيه أرنب قاعد يناقز .. على من يجده الاتصال على شرطة الرياض 999))
>عدنا اليكم
> زي ماقلنا لكم نظرا لثقافة أختكم بالله السوري <<= ماتتوب
>
>انا عصرت شي محشى بوسط جمجمتي يقولون انه المخ .. المهم اني عصرته لييييين ماقااااااال ربي الله .. وطلعت لكم ببعض الحلول
>1- انكم تطقون لكم خيام بوسط الربع الخالي مثلي وتبعدون عن زحمة هالرياض وتصيرون جيراني .. وندور لنا حنا يا البنيات عن آخر الفرسان .. بس تراني انا الي ابصير شيماء ولغزي يقول
>ليش الأسد أسد ؟؟
>2- هالحل من عشر طعش المستحيلاااااااات بس ابقوله .. والي يقراه لا يصدق مثلي ويدور له على حل مثل هالحل .. المهم حنا نبيهم يخلون شوارع الرياض سير كهربائي ..والسيارات تمشي على هالسير.. يعني الواحد كل الي عليه انه يروح للشارع الي يبيه ويوقف سيارته ويقعد يسولف مع السيارة الي بجنبه والا يقرا جرايد لحد مايوصل للمخرج الي يبيه والا للمكان الي يبيه ثمن يدق سلف ويمشي ..
>تبون أسهل من هالمواصلات .. ؟
>طبعن هالحل مهنا مثله أبد .. خصوصا انه بيوفر لكم بنزين .. بس مت ياحمار لين يجيك الربيع .. وان شا الله وباذن الله انه بيصير بس اذا حجت البقرة على قرونه
>3-انهم يحطون لكل حي باص مكون من اربع ادوار .. الدور الاول لابواهتنا<<= جمع أبو وامهاتنا ..ونبي نخليهم مع بعض خليطي (( فرييي )) والدور الثاني للبزارين عشان يصيرون قريبين من امهاتهم ما نبيهم يبلشوننا .. والدور الثالث لهالعيال وطوال الشوارب وترانا هذانا قلنا لكم مانبيهم معنا .. ينشبون بنا حتى بالبااااص .. عاد الدور الرابع لنا حنا يا البنيات .. وتكفون الله لا يهينكم نبي باصات مثل حقات لندن الي مقشوع سقفه .. نبي نتنفه
>المهم فكرة هالباصات اندرجت من ضمن قائمة الحلول عشان تلغي شي اسمه سيارة .. يعني الواحد لا بغا يطلع ويروح مكان .. يروح يشوف جدول باص حييهم ووينه رايح اليوم .. وان طلع جدول هالباص ما يمشي مع مشواره يروح لباص الحي الثاني .. وعلى هالحال
>منها نوفر لكم وماتشرون سيارات .. ومنها الأهالي يعرفون وين يهجهجون عيالهم وبناتهم
>4-وهالحل لا تقرونه الا عقب الاجازة .. لانه خاص بالدوامات .. الحين الحكومة الله يعزها وراها تحط الدوامات كلها بنفس الوقت ؟؟ يعني وش بيضرهم لو لخبطوهن شوي ؟؟ يخلون المدارس مثلا يبدون سبع .. والدوائر الحكومية تبدا ثمنية ونص .. وحنا يا حقين هالجامعات البهية ما نبدا الا 10
>وش بيضرهم ؟؟
>5-هالحل بصراحة لو صار بيحل أزمااااااات كثيرة .. نبيهم ولا عليهم أمر يرحلون كل هالعمال الي مالهم لزمة .. وهالعمال الي صارو معمرين بديرتنا .. منها نرتاح من بلاويهم ومنها تخف هالكثافة العددية .. غطينا على مصر والصين
>6-هالحل مدري وش يبي بس ابقوله ..نبيهم يخلون لنا كل شارع مكون من دورين
>الدور الارضي يخلونه هو ابو المخارج .. والدور الي فوق يخلونه طريق سرييييع لاراح ولا جا مثله .. تخيلو معي ان طريق الملك فهد صاير دورين .. الدور الي فوق يكون السريع ولا ينزلك الا على الدائري الشمالي .. والطريق الي تحت يكون هو ابو المخارج
>والله وناسة
>الحين اتركوكم من حلولي وخرابيطي .. وقولو لي هالحتسي الي انا سمعته وموحيته صدتز والا ...؟؟؟
>صدتز انهم بيخلون الحريم يسوقون بالسعودية ؟؟
>ترانا ما نبي نسوووووق والله ما نبي نسوووووق وخصوصا بالرياااااااااااض
>تكفون عاد لاساقن الحريم وش بيصير مرور الرياض .. بيصير قلة حيا الرياض
>يعني لاساقن الحريم وصار عندك موعد منا والا منا .. لازم تروح تنام عند الناس الي انت مواعدهم عشان تضمن الوصول على موعدك
> اسمعو
>أنا السوري المتحدثة الرسمية باسم البنيات
> أعلن عن تنازلنا من أحد الحقوق المزعومة بأنها تنقصنا ..الا وهي القيادة
> وأقولكم تراااااانا يا البنيات محللييييينكم ومبييحييييينكم وما نبي نسوق
>الا ان تسانكم بتكرموننا وبتخلوننا نسوق وبتحطون لنا شوارع مثل ذي فلا مانع لدبنا
> وآخر شي ابقولكم ترانا بالعشر ومايجوز اللطش منا والا منا.. وترى حقرص بقرص والي بيسرق الموضوع تراه بينقرص
- من الإيميييييييييل -
>مرور الرياض وما أدراك ما مرووووور الرياض
>من جد آآآآآآآآآه من كل قلب
><<= عاصبتن راسه وماسكته بعد
>تصدقون عاد اني كل ماذكرت هالمرور وغثاه جتني الزويعة وجاني المررر كله .. واني ما اتمنى الا اني اطقلي خيمتن بوسط الربع الخالي (( عاد كوده يجين آخر الفرسان)) ..المهم اني ودي اطقلي هالخيمة منها ادور لي على بير بترول متوزين منا والا منا ، ومنها ابعد عن هالمرور وبلاويه الي انا اتخيل انه أسوء مرور بالسعودية كلها ..لالالا وش سعوديته الا قولو بدول الخليج كلها .. وش دول خليجه الا بالعالم العربي كله .. وش عالم عربيه بعد ، الا بدول الشرق الأوسط كلها
>ألامرور الريــــــاض أسوء مرور بالعــــــــــالم كله
>الحين أنا ودي أحتسي وأطلع الي بقليبي كله .. والله انكم لو بتفتحون البطين الأيمن والأيسر حقي والا الأذين الأيمن والأيسر .. ان تلقوووووونهن مليانااااااااات هم وغثى من هالمرور
>الحين البنيات ينبسطن لا بغن يروحن والا يجن .. وأنا ماغير اتحلطم واهوش أي واحد اشوفه بخشتي .. بعذري والله موهب مني الا من هالمرور
>يعني ان انثبرنا بهالبيوت حامت تسبودنا وقمنا نهوش ونتحلطم .. وان هجهجنا بهالشوارع حامت تسبودنا زود وجانا السكر والضغط .. ولما نرجع ناخذ لنا كم تهزيئة عالماشي .. وراتس تأخرتي يا السوري .. ووش هالمكان الي فاتح لهالحزة و.... و ..... وآآآآآآآه بس
>(( ايــــــــــــــه تلقيــــــنها بالجنة ان شا الله يا السوري ))
>الحين هاللي يهوشون ويتحلطمون ما يطلعون بهالشوارع ويشوفون هالزحماااات
>وهي وقفت على هالزحماااااات بس.. وش أقول ووش أخلي
>قولو زحمات الاشارات وش نسوي بهن الشكوى لله عاد بس الطرق السريعة ليييش؟؟
> أنا أموووت وأعرف ليش هالزحمات بالهايويهااااااااااااااات ؟؟ لييييش يا ربي
>تصدقون انه طموحي بهالحياة اني اشوف طريق الملك فهد والا طريق مكة فاضي
><<= امحق من طموح
>قسما بالله ماعمري شفت طريق الملك فهد فاضي الا لاصرت توي راجعتن من عرس .. صرت احرص اروح للعروس موهب عشان العرس نفسه .. لا والله بس عشان اشوف طريق الملك فهد فاضي وامتع ناظري بوه ( ناظري وبوه )<<= سبحان الي وفق بينهن
>والله العظيم انه هااااااااي وييييي ولا فيه ولا اشارة .. وشوله هالتزيحم والبريكات ودق الاشارة .. خلاص كل واحد يمسك دربه وينااام
>عاد ما يرتفع ضغطك زود الا لا صار السواق الي قدامك عليمي ومتبختر بوسط الشارع وياما راح يمييييييين وياما جا يسااااااار .. شارع ابووووووه هو وانا مدري
>والا عاد لا صار حادث الله يكافينا الشر واجتمعو هالعالم .. انا ابي اعرف وشوووله هالتجمعات ؟؟ يعني يقالهم بيسعفونهم هم وخششهم ؟؟ والا وش سنعهم ؟ لا ومن زوود الملح تلقونهم متأثرين وماسكين روووسهم وما تسمع الا (( شف سعيدااااان ناااااااظر ناااااااااااااااظر .. يوووووه يا اللللللله .. شف ناااااااظر الدم وشلون قايل .. يووووووه ياربيييييييه .. تهقى هذا يحيى والا يموت )) الحين انتم وش دخلكم بيحيى والا يمووووووت هو؟؟ .. والا هذي الوطنية وعمايلها .. بعدي والله .. بس عاد لاصار الي مسوي الحادث هندي والا حسنين والا ابو شكييييم (( عاد مالقيت لكم شين يصلح للسوري )) والا ميشوو وشوووووووله تتجمعوووووون .. والا اخوانكم بالاسلام بعد.. ياحليلكم والله
> المهم اني اسمع هالهرج <= يقالتس الحين 24 ساعة واقفتن تتفجرين على الحوادث
>تراني سواقة اسعاف بس لحد يدري
>المهم اني اسمع هالهرج وأقول اشوى كودهم يتعلمون ويفكوننا من هالسرعة ويتوبون من هالمساقط الي ماغير يفزع بقلب اميمتي يا بعد الدنيا ..والله ان أميمتي كل ماسقطت سيارة علينا والا شافت سيارة تساقط فز قليبه يحول وماغير تقبص باللي جنبه .. ودايما انا الي جنبه .. والله اني بقعت زرقا
>
>خلاص تكفوووووون لحد يساقط صرت علم هلالي ، ذاك اليوم جايني اخوي ويبي يستلفني يشجع فيني
>نجي عااااااااااااااااد للطااااااامة الكبرى .. والي ما ترفع الضغط وبس الا تفقع المرارة والمصران الأعور بعد .. وش تفقع مرارتي .. الا تجيب لي السكتة القلبية .. بس مابعد فطست هع هع هع .. بالله عليكم كل واحد يجيب ورقة وقلم ويكتبلي تعبير عن شعوره لما يشوف شاحنة متربعة بوسط طريق الملك فهد ..والا طريق مكة .. والا بوسط طريق خريص وياااااااااكثرهن .. والا بوسط الدائري
>أنا أبي أعرف هالشاحنااااااااااات وش يجيبهن بأوقات الذروة (( يمديكم عالذروة )) صدتز عاد هالشاحناااااات وش يجيبهن الساعة خمس العصر والا سبع المغرب والا عشر بالليل؟؟ .. والله مابهذلنا وبهذل المرور بالرياض الا هن .. تجيييك الوحدة منهن (( الي هن الشاحنات)) وتتربع لي بوسط الشارع وماغير تملي سياراتنا وسيارات خلق الله ديزل .. لا ولا اردى منهن الا سواقينهن ياعلييييييييهم أشكااااال وطبااايع بعد مدري من وين جايبينهم (( أعقل واحد فيهم سكران )) .. لا ومن زود الملح حتى حقين الشاحنات يساقطووووون .. عاد السيارات الصغيرة لا ساقطت قامت امي تقبصن من الروعة ..تهقون لا شافت شاحنة تساقط وش بتسوي بي
>ما أقول الا لا اله الا الله بس
>والا وين الشرطة عن هالشاحنات .. ياحليلي قلت شرطة .. من جد شرطتنا ..... مدري وش أقول قسما بالله .. مير شعارها هالسنة صاير (( البقاء للأقوى )) والا المفروض اول ما تشوف هالشاحنات تصكها بقسيمة لاراحت ولا جت .. والا بس جيدين بسواقين العوايل يحووول << يقاله سواق عيلة بريئ
>بس بالله عليكم وش رايكم بشرطتنا .. على كثرهم ما منهم نفع .. تدرون اشترو دفتر ابو اربعين عشان ابكتبكم تعبير ثاني .. كل واحدن منكم يكتب لي تعبير عن شرطة الرياض
>وعشان تعرفون ان الشرطة عندنا الله بالخير .. شوفو هالبزارين الي يسوقون السيارات .. مير صارو اكثر من الي معهم رخص قيادة .. أجل فيه واحد طوله شبر ونص ويمسك سيارة .. ولا أحد قايل له وين أنت رايح ؟؟ ويييييييين حنا فيه .. يا الله انبسطو ياحقين المخدات سوقكم بيمشي .. الا عاد لا صحت الشرطة من النوم الي هي فيه فقولو عليكم السلام
>تدرون عاد الشرهة مهب على هالشرطة .. الشرطي بعد يحول يخاف يمسكله واحد ويروح فيها .. الشرهة على هالأهالي الي يمسكون عيالهم سيارات وهم مابعد فطموهم عن الرضاعة .. والا هالأم الي مخليه وليده يسوق ويحوس بهالشوارع ولا تدري عنه .. وين قليبه هذي ؟؟
>نجي عااااااااااااااااد للي يجيبن الصمرقع صدتز والي خلى سكرنا يصك الالف .. وليته على السكر والضغط بس .. الا جابن لنا الربو .. وسببن بنشر السرطان الله يكافينا شره .. وهن هالسيارات الي الوحدة منهن مدري وش تبي من جد .. صدتز تحس انها حديدة واربع كفرات وبس .. لا وسواق هالسيارة الي انا ابصم لكم انها مصنوعة بالقرن المدري كم قبل الميلاد .. المهم تلقون سواق هالسيارة مشخصصصص ومتشمبط بهالدركسووووووووووون تقولون سايقن له طيارة ..وهي الله واعلم بس ماغير تكوووووح علينا من هالديزل وبس .. وصخن سياراتنا .. وسببن أمراض سرطان الرية والتسبد .. ما أقول الا حسبي الله .. ولا يقهرن زووود الا لاشفت مثل هالسيارة متبخترة بوسط شارع عااام ولاهي الي رايحة يمين ولا يسار .. الحين هالسيارات الي ياحسافة اسم سيارة عليها وش يجيبهن بوسط الشارع العام ؟؟ والا زود بلى وهم وبس
>والله لو اني ابكتب عن أسباب شوارع زحمة هالرياض ان تسان خلص حبر هالهوتميل كله .. مير الشكوى لله هذي رياضنا وهذي ديرتنا الله لايخلينا منه بس قولو آمين
>وعشان هذي رياضنا ومثلكم خابر هي عاصمة الثقافة .. ولا عندكم أثقف مني
>(( فاصل اعلاني : فيه أرنب قاعد يناقز .. على من يجده الاتصال على شرطة الرياض 999))
>عدنا اليكم
> زي ماقلنا لكم نظرا لثقافة أختكم بالله السوري <<= ماتتوب
>
>انا عصرت شي محشى بوسط جمجمتي يقولون انه المخ .. المهم اني عصرته لييييين ماقااااااال ربي الله .. وطلعت لكم ببعض الحلول
>1- انكم تطقون لكم خيام بوسط الربع الخالي مثلي وتبعدون عن زحمة هالرياض وتصيرون جيراني .. وندور لنا حنا يا البنيات عن آخر الفرسان .. بس تراني انا الي ابصير شيماء ولغزي يقول
>ليش الأسد أسد ؟؟
>2- هالحل من عشر طعش المستحيلاااااااات بس ابقوله .. والي يقراه لا يصدق مثلي ويدور له على حل مثل هالحل .. المهم حنا نبيهم يخلون شوارع الرياض سير كهربائي ..والسيارات تمشي على هالسير.. يعني الواحد كل الي عليه انه يروح للشارع الي يبيه ويوقف سيارته ويقعد يسولف مع السيارة الي بجنبه والا يقرا جرايد لحد مايوصل للمخرج الي يبيه والا للمكان الي يبيه ثمن يدق سلف ويمشي ..
>تبون أسهل من هالمواصلات .. ؟
>طبعن هالحل مهنا مثله أبد .. خصوصا انه بيوفر لكم بنزين .. بس مت ياحمار لين يجيك الربيع .. وان شا الله وباذن الله انه بيصير بس اذا حجت البقرة على قرونه
>3-انهم يحطون لكل حي باص مكون من اربع ادوار .. الدور الاول لابواهتنا<<= جمع أبو وامهاتنا ..ونبي نخليهم مع بعض خليطي (( فرييي )) والدور الثاني للبزارين عشان يصيرون قريبين من امهاتهم ما نبيهم يبلشوننا .. والدور الثالث لهالعيال وطوال الشوارب وترانا هذانا قلنا لكم مانبيهم معنا .. ينشبون بنا حتى بالبااااص .. عاد الدور الرابع لنا حنا يا البنيات .. وتكفون الله لا يهينكم نبي باصات مثل حقات لندن الي مقشوع سقفه .. نبي نتنفه
>المهم فكرة هالباصات اندرجت من ضمن قائمة الحلول عشان تلغي شي اسمه سيارة .. يعني الواحد لا بغا يطلع ويروح مكان .. يروح يشوف جدول باص حييهم ووينه رايح اليوم .. وان طلع جدول هالباص ما يمشي مع مشواره يروح لباص الحي الثاني .. وعلى هالحال
>منها نوفر لكم وماتشرون سيارات .. ومنها الأهالي يعرفون وين يهجهجون عيالهم وبناتهم
>4-وهالحل لا تقرونه الا عقب الاجازة .. لانه خاص بالدوامات .. الحين الحكومة الله يعزها وراها تحط الدوامات كلها بنفس الوقت ؟؟ يعني وش بيضرهم لو لخبطوهن شوي ؟؟ يخلون المدارس مثلا يبدون سبع .. والدوائر الحكومية تبدا ثمنية ونص .. وحنا يا حقين هالجامعات البهية ما نبدا الا 10
>وش بيضرهم ؟؟
>5-هالحل بصراحة لو صار بيحل أزمااااااات كثيرة .. نبيهم ولا عليهم أمر يرحلون كل هالعمال الي مالهم لزمة .. وهالعمال الي صارو معمرين بديرتنا .. منها نرتاح من بلاويهم ومنها تخف هالكثافة العددية .. غطينا على مصر والصين
>6-هالحل مدري وش يبي بس ابقوله ..نبيهم يخلون لنا كل شارع مكون من دورين
>الدور الارضي يخلونه هو ابو المخارج .. والدور الي فوق يخلونه طريق سرييييع لاراح ولا جا مثله .. تخيلو معي ان طريق الملك فهد صاير دورين .. الدور الي فوق يكون السريع ولا ينزلك الا على الدائري الشمالي .. والطريق الي تحت يكون هو ابو المخارج
>والله وناسة
>الحين اتركوكم من حلولي وخرابيطي .. وقولو لي هالحتسي الي انا سمعته وموحيته صدتز والا ...؟؟؟
>صدتز انهم بيخلون الحريم يسوقون بالسعودية ؟؟
>ترانا ما نبي نسوووووق والله ما نبي نسوووووق وخصوصا بالرياااااااااااض
>تكفون عاد لاساقن الحريم وش بيصير مرور الرياض .. بيصير قلة حيا الرياض
>يعني لاساقن الحريم وصار عندك موعد منا والا منا .. لازم تروح تنام عند الناس الي انت مواعدهم عشان تضمن الوصول على موعدك
> اسمعو
>أنا السوري المتحدثة الرسمية باسم البنيات
> أعلن عن تنازلنا من أحد الحقوق المزعومة بأنها تنقصنا ..الا وهي القيادة
> وأقولكم تراااااانا يا البنيات محللييييينكم ومبييحييييينكم وما نبي نسوق
>الا ان تسانكم بتكرموننا وبتخلوننا نسوق وبتحطون لنا شوارع مثل ذي فلا مانع لدبنا
> وآخر شي ابقولكم ترانا بالعشر ومايجوز اللطش منا والا منا.. وترى حقرص بقرص والي بيسرق الموضوع تراه بينقرص
- من الإيميييييييييل -