سوالف للجميع - سؤال بايخ ؟؟؟؟؟؟؟؟؟؟؟؟

View Full Version : سؤال بايخ ؟؟؟؟؟؟؟؟؟؟؟؟

ديمة2020

19-08-2001, 01:36 PM

والله منحرجه منكم بس سؤالى بسيط كيف يمكن أن أرسل إيميل

وكيف يمكن أن أتاكد من أنى أرسلتة.

ولكم ألف شكر .

tawfeeq

19-08-2001, 01:43 PM

اخاف تمزحين.....اذا مزحة ...فكانت حلوة...

بس اذا كلامك صج..فهذي مصيبة كبيرة...(ياخي قوية ماتدخل الراس):(:(:(

بس مو مشكلة نشرح لك...بس اول شي عندك ايميل..ووين...

وان اشالله يصير خير....

مع اني متوقع انها مزحة:):)

ديمة2020

19-08-2001, 01:54 PM

والله عن جد عندى إميل فى مكتوب بس ما أعرف إلا أقرى وأحذف بس

أرسل ما أعرف .

بعدين ليش مستغرب فيها شئ وحدة عليمية شسوى .

tawfeeq

19-08-2001, 02:17 PM

شوفي اختي...

اول ما تفتحين ايميلج راح تشوفين...في الطرف الايمن امر مكتوب عليه كون رسالة 

تضغطين عليه...بعدين راح تجيك صفحة ثانيه...
تشوفين هالاوامر
الى هذا تكتبين فيه عنوان المرسل اليه

الموضوع وهذا تكتبين فيه عنوان الرساله

وبعدين تشوفين هالامر
كوّن رسالة مع التحكم بالخطوط والالوان اذا ضغطتي عليه تقدرين تلونين وتكبرين الخط في الرسالة

بعدين راح تشوفين في المنتصف مربع كبير فاضي هذا نص الرساله اللي المفروض انتي تكتبين فيه

بعد ما تخلصين من كتابةالرسالة فيه زر تحت مكتوب عليهارسل 
ضغطيه وان شالله توصل رسالتك

وان اشالله واضح...يعني سهلة اظن بالقراءه تفهمينها...

على العموم احنا بالخدمة...اذا في شي مو واضح خبرينا

اخوك،،،،

ديمة2020

19-08-2001, 02:22 PM

أنا سويت اللى قلتة بس أشلون أتأكد انها وصلت مع الشكر

الجزيل أدرى تعبتك معاى .

tawfeeq

19-08-2001, 02:32 PM

بس اذا كان في غلط في الايميل....هذي مشكلتك..

يعني اذا كان الايميل مو موجود اساسا فراح يجيك اشعار ان الرساله اللي رسلتيها تكنسلت

واذا تبين نصيحتي ..استخدمي بريد الهوتميلhotmail

فهذا افضل بريد حاليا...
طبعا لاتعبنا ولا شي....انتم تدللون بس

اخوك،،،

ديمة2020

19-08-2001, 02:35 PM

يعطيك العافية وما قصرت أخ توفيق.

بس سؤال ماصخ شنو يعنى أضيفينى فى الايميل ؟

tawfeeq

19-08-2001, 02:42 PM

على العموم...
هذا الكلمة ضيفني عندك....منتشرة اللي عندهم ايميل في الهوتميل...
بحيث ان الهوتميل مقدمة خدمة تسمى مسنجر اهو برنامج مثل الشات بس يدخل فيه بدعوة من صاحب الايميل الى اي ايميل ثاني فى الهوتميل...علشان كذا يقولون لك ضيفني عندك...علشان اقدر استخدم المسنجر معاك....حلو؟؟؟
ان شالله واضح...اذا في سؤال ثاني لا تستحين قولي...

الله يسهل عليك بس....:):):)

اخوك،،،

ديمة2020

19-08-2001, 02:48 PM

الله يسامحك أنا من كوكب الأرض (تصدق )وأنا شدرانى كل يوم يقولون لى شئ ةأنا أتوهق مدرى شيقولون وأرز وجهى وأسأل والله كل أسئلتى يضحكون منها .

بس أنا من مكتوب يعنى عندنا ماسنجر والله أنى ماعرف شنو يعنى مسنجر.

tawfeeq

19-08-2001, 02:53 PM

يعني بالعربي....بريد مكتوب فاشل...قدام بريد الهوتميل..

اخذي نصيحتي وسجلي في هذا البريد
اذا تبي تسجلين في الهوتميل دخلي هنا (http://lc2.law5.hotmail.passport.com/cgi-bin/register?_lang=EN&id=2&fs=1&cb=_lang%3dEN&ct=998218030)
والمسنجر مثل ما قلت لج اهو برنامج شات مخصص لايميلات الهوتميل
واذا تبين المسنجر بعد نزليه من هنا
http://mssjus.www.conxion.com/download/msnmessenger/install/3.0/win98me/ar/mmssetup.exe
:):):):)

ديمة2020

19-08-2001, 03:12 PM

أقول توفيق مالى خلق على الماسنجر أنا يا متحملتهم هنية تبيهم يغثونى بعد .

ليش تغلط على مكتوب ترى ما أرضى عليةوللى مالة أول ما له تالى .

أدرى غثيتك بأسئلتى السخيفة من وجهة نظرك بس مهمة من جهتى بس الله يعطيك العافية ونخدمك بالأفراح .

tawfeeq

19-08-2001, 03:16 PM

ولا ولا عمره راح يتعلم....
وانا اشجعك وسألي على طول:):) ..لاني في يوم من الايام كنت مثلك ومافيها شي نتعلم من الناس:):)

خليك مع مكتوب:(:(.....بس مواكبة التطور ترى حلو:):)...

في مليون بريد افضل من مكتوب (اسمحي لي)اذا قلت افضل فيعني افضل من ناحية المميزات اللي يوفرها البريد..

اخوك،،،،

ديمة2020

19-08-2001, 03:46 PM

على العموم مشكور

عطرالندى

19-08-2001, 11:53 PM

كلنا جي من أول ما نستخدم النت اما عن
بريد مكتوب فماعندي أي فكره عنه ولكن
أنصحج انج تسجلين في الهوت ميل لأنه
أحسن خدمه موجوده للبريد واما عن المسنجر
مسنجر بالعربي معناه رسول وهو يعتبر مثل
الشات أو غرف المحادثه لكن ما تكون عامه
مع خلق الله كلهم في غرفه وحده لأ تكون في
غرفه أو صفحه مخصصه لج وللي تحادثينه
وخدمه المسنجر موجوده بالعربي ولكن في
رايي ان الانجليزي أحسن إلا اذا انتي
متعوده على المواقع العربيه فعلى راحتج

تحياتي:)

مجنون الكامارو

20-08-2001, 02:35 PM

مررررر
رررررر
حباااا

أخت ديمه000000000في طريقتين تعرفين الرساله وصلت ولا لأ

الأولى:

أنك تسوين لك بريدين وإذا كتبتي العنوان اللى تبين ترسلين له

تلقين تحته فراغ مكتوب فيه نسخه الى00000000 ارسلي نسخه لبريدك

الثاني000000وإذا وصلت الرساله لبريدك 0000يعني وصلت للعنوان

اللى أرسلتي له.

الثانيه:

هاذي الطريقه ماتعلمك أن الرساله وصلت ولا لأ000000

الطريقه هاذي تعلمك أن الرساله اللى أرسلتيها تم قرائتها.

وهي:

إذا كتبتي العنوان اللى تبين ترسلين له الرساله تكتبين في

آخرهconfirm.to

مثال:yazeedxz@hotmail.com.confirm.to

تحياتي.............

tawfeeq

20-08-2001, 03:43 PM

في هناك طريقة ثانيه لمعرفة اذا قرئت الرسالة او لا راجع الوصلة (http://www.swalif.net/sforum1/showthread.php?threadid=100284)

اخوك،،،،

مجنون الكامارو

20-08-2001, 05:57 PM

مشكور أخوي توفيق على الرد السريع.

بس في شي نسيت أقوله عن طريقه الـconfirm.to وهي:

أن هاذي الطريقه ماتقدر تستعملها إلا ثلاثين مره في الشهر0000

واللى توفر الخدمه هاذي شركه كوريه000000بس لهاذي الطريقه عيوب

منها إن الرساله اللى تبي تعرف متى تم قرائتها......تتم

قرائتها من قبل الشركه مقدمه الخدمه......

مثلا لو كنت تريد ترسل للعنوان هذا:

xxxx@hotmail.com
وحبيت تستفيد من الخدمه هاذي........راح تكتب كذا..

xxxx@hotmail.com.confirm.to

لو تلاحظون أن الشركه المستقبله للرساله هي:

hotmail.com.confirm.to
وليـــس:

hotmail.com

وطريقه عمل هذه الطريقه أن هذه الشركه تضيف شي من لغة هتمل

ويقوم الكومبيوتر بالتعامل مع هذه اللغه

وتعلم الشركه أن الرساله تم فتحها000000بمجرد فتحها.

لكن 00000إذا جربت وأستقبلت الرساله بمتصفح لايدعم لغة هتمل

تجد أن الطريقه هاذي لاتعمل0000وسترسل الشركه رساله بعد فتره

تعلمك أن الرساله تم فتحها مع إنها لم تعلم هل هو فتحها أم لا.

تحياتي.

ديمة2020

20-08-2001, 07:08 PM

يالله كل هذا أسويه علشان الايميل والله يدوخ بس تدرون إنى دريت كل الايميلات اللى أدزها ماتوصل .

على العموم مشكورين يزاكم الله خير على الايميل أما بخصوص المسنجر أنا ما أحتاجه .